Maak 16:1 - Wëël Jwøk

¹ 'Ba na thum cäŋ jwömö, Meeri Magdalin, ki Calöme, ki Meeri mii Jeemeth, gena ŋëëö ki mäth wïïr, kiper nee ge cige nee dëër Jecu wïïrge ki gø.

Maak 16:1 Iomraidhean Croise

Wïlöölö 50:2

Ni ö Jocepi ni kööm jø tïïc moe mo wø ŋäc tïï akïïm ki man jiiŋge dëër wänni kiper nee ba kwääe; køøre jøøgø dëër Icriel ajiiŋge.

2 Luup Nyeye 16:14

'Ba ena koonyge yi bwörö mare mana tïïe kiper dëëre yi Pääny Deebit, ni pïëlge gø yi bwörö bäät pëëm mana näk ee kïthö ki gïï wø ŋwääi ni met ki wïth mäth riie ma teeŋi, ni äpge ki maac mo dwøŋ døc ni ge wøøra gø.

Maak 14:3

'Ba kanya en Jecu yi Bethani po Cayman, ŋata kwøŋ bëëtö ni dëëre da dhøøbø, ni eni ena kar cam, dhaagø mør aö baŋe ni käädö ki riia mo ena yi wïlli mo ŋeew ka gwel mo thööth døc. Ni ö dhaaŋŋøgø ni jap dhi gø, ni køny gø wï gø.

Maak 14:8

Eni, gïna näk løny jïre ki man tïïc gø, atïïe. Eni kwøŋa dëëra wïïr kiper kanyo koony aani.

Maak 15:40

'Ba kaace thuwø da mään mo nëënö ka kany mo bäär, ni Meeri Magdalin, ki nyaan ma Calöme, ki Meeri mii Jeemeth mana thiinh ki Jöce, ena dïge,

Maak 15:42

'Ba kanya tïm pinynyi na abøøya, kiper mana tïme ni beeye cäŋ jiiŋ røk ni jøw bunna cäŋ jwömö,

Maak 15:47

'Ba Meeri Magdalin ki Meeri mii Jöce kanya kani yie aneenge.

Maak 16:2

'Ba na tïm pinynyi na amöölla cøøn ki täk tïïc, gena møøl bäät bwörö kanya tuul cäŋŋi.

Maak 16:8

Ni öge wøk ki yi bwörö ni reŋge, kiper dëëtge atïmö ni kwanynyi, ni wïthge rege noodø. 'Ba bäŋ gïn mo ege caanø jï dhaanhø mør, kiper mana tïmge ni ge lwäär. (Maak 16:9-20 tøør ki dhi Gïrïïk yïth weet Maak møøk moa cääŋŋe.) [

Luk 23:54

'Ba dïcäŋögø beeye cäŋ jiiŋ røk, ni cäŋ jwömö manynya man täge.

Luk 23:56

Køøre gena døøk, ni jiiŋge mäth wïïr ma teeŋi mo wø ŋwääi ni met. 'Ba na tïme na cäŋ jwömö røkge ajwömge, keda mana näk ocemø.

Luk 24:1

'Ba na tïme na täk tïïc ka amöölla cøøn, mään aci bäät bwörö, ni ge käära mäth wïïr mo wø ŋwääi ni met na jiiŋge.

Jøøn 19:25

Køøre gïnögø atïïc jø tøŋŋi. 'Ba jøøa cuŋŋö buut jaadha no odëëdö mar Jecu beeye menni ki cöök menni, ki Meeri cï Kilöpa, ki Meeri Magdalin.

Jøøn 19:31

'Ba kiper mana tïm cäŋögø na cäŋ jiiŋ røk, jø Juuth Paylat apëënyge nee tiet jøøgø tøyi, nee dëëtge käl wøk, kiper nee ge ba bëëtge bäät jera no odëëdö ki cäŋ jwömö, kiper mana näk cäŋ jwömöce beeye cäŋ mo dwøŋ.