Maak 15:24 - Wëël Jwøk

²⁴ Ni gurge gø bäät jaadha no odëëdö, ni pääŋge abïïge yïthakicge, ki køør ŋïïce mo wø tïïc ki ri kwääk ki baw, kiper nee mano käl ŋati man nø joot.

Maak 15:24 Iomraidhean Croise

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 5:30

Kiper Jwø kwäyø, Jecu atïŋ maal, ŋata ŋaabu bäät jaath ni 'nägu gø.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Tiet Ciik 21:23

rïŋ dëëre kär këët wäär ni poot no olïërö ri jaath, kiper ŋat mo olïërö ri jaath beeye ŋat mo ocien Jwøki. Eni wär put koony dïcäŋöca, kiper nee ŋöömmo cïp Wuuö Jwøki na näk Jwøu jïïu enø, nee ba raanynyu.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.