Maak 15:21 - Wëël Jwøk

²¹ 'Ba kanyøgø, da ŋat mør ma nyï Cayriin mo cäädha jöö mo ööi ka dï paac, mo nyeŋŋe Cayman, na näk wää Alekdhander ki Rupa. Ena mak dïkuye kiper nee jaadha no odëëdö mar Jecu kääre.

Maak 15:21 Iomraidhean Croise

Mathiew 27:32

'Ba kanya cääthge jöö, gena røømmø ki ŋat mør ma nyï Cayriin, mo nyeŋŋe Cayman. Nyenøgø amakge ki teek, nee jaadha no odëëdö mar Jecu kääre.

Mathiew 5:41

'Ba ni näk da ŋat mo maga ïïni ki teek ki man käärï tëër mare ki yi kiïlömethër aciel, wär käärï jïre ni cäädhï ki yïth kiïlömethërri ariiø.

Maak 15:20

'Ba na nø buuge gø, abïïna näk dïmuur akälge wøk dëër gø, ni dwøkge abïïge dëëre. Ni bwøthge gø wøk kuna guri bäät jaadha no odëëdö.

Luk 14:27

Ni ŋato wäro ba käär jaadhe na näk odëëdö, ni cäädhe køøra, ba maar tïmö na bääŋa.

Luk 23:26

'Ba kanya kïthge Jecu wøk, ŋat mør mo nyeŋŋe Cayman ma nyï Cayriin mo cäädha jöö mo ööi ka dï paac, amakge ki teek, ni kïthge jaadha no odëëdö bääte, nee kääre køør Jecu.

Jøøn 19:17

Ni ö dïkuye ni kälge Jecu, ni cøøe, ni käära jaadhe na no odëëdö, ni cøøa kany mo cwøl ni Kar Cuu Wïc, na cwøl ni Gølgøtha ki dhi Ibaru.

Moa Tïïc Nyïïatwieli 11:20

'Ba da jø møøk dïge ma jø Caypara ki Cayriin mo öö yi Antïëk ni ge cäänna jø Gïrïïk thuwø, ni ge køpa gïr Kwäärö ma Jecu jïge.

Moa Tïïc Nyïïatwieli 13:1

'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.

Moa Tïïc Nyïïatwieli 2:10

ki Parijia ki Pampilia, ki Ijep, ki jøøa käl thäŋ Libya na bëën Cayriin, ki wëëlle moa käl Röm, këël jø Juuth ki jøøa løk dëëtge na jø Juuth,

Moa Tïïc Nyïïatwieli 6:9

'Ba kanyøgø, jø møøk mo ena dëët jø øt acooŋ lam mana cwøl ni mar jøøa näk opädö, ki jø øt acooŋ lam mar jø Cayriin, ki mar Alekdhandaria, ki jø møøk mo käla Cilicia ki Eecia, rege athïïŋge ni pïëmge ki Ectipen.

Wëëlö Mana Göör Pøølli Baŋ Jø Röm 16:13

Määthu Rupa, ŋata no ojier Wuue, ni määthu menni thuwø ni näk mera.