Maak 15:14 - Wëël Jwøk

¹⁴ Ni kö Paylati jïge, na «?Aŋø, agïnaŋø na raac ni ee tïïö?» 'Ba kaagø nø, gena put rëëdö døc ni kaala mana dïkwøŋ, ni «Gurï bäät jaadha no odëëdö!»

Maak 15:14 Iomraidhean Croise

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Aydheea 53:9

Ena koony kanya koony jøøa reyø yie, ni bee kanya koony jøøa no okwär yie, këël na bëëde ni bäŋ gïn mo raac mo ee tïïö, ni bäŋ cwøk mo owïnyö dhee.

Mathiew 27:19

'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»

Mathiew 27:4

Ni kööe, ni «Aana bääyö kiper na cïba ŋat mo bäŋ gïn mo ee baaø ceŋ nyïïmän.» 'Ba adwøkge, ni «?Jïwa dee ŋø? Manøgø ena jïrï keerï.»

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Maak 15:13

Ni cäŋge rëëdö, ni «Gurï bäät jaadha no odëëdö!»

Maak 15:15

'Ba Paylat na many man mïn yi lwaaki, Baraba apän geni, ni wëëk Jecu pwöt ka alaŋŋa, ni cïp gø nee gur bäät jaadha no odëëdö.

Luk 23:21

'Ba gena rëëdö døc, ni «Gurï, gurï bäät jaadha no odëëdö!»

Luk 23:4

Køøre Paylat aköö jï kwääc laam ki lwaae, ni «Bäŋ gïn mo obøth mo yaa joodø baŋ nyeni.»

Luk 23:41

'Ba ajäla marø møn beeye kare. Kiper gïna pïï dëëtø en beeye mana näk orømø ki gïïa tïïø. 'Ba ŋati en bäŋ gïn mo raac mo ee tïïö.»

Luk 23:47

'Ba na ö kwääy dïkuye ma dïpa na neen gïna tägö, Jwøk apwøe, ni kööe, na «Adïëri møn, ŋati en, bäŋ gïn mo ee baa.»

Jøøn 18:38

'Ba Paylat aköö jïre, na «?Adïëri agïnaŋø?» 'Ba Paylat na nø caan gïïögø, acäŋ døø wøk baŋ jø Juuth ni caan gø jïge, ni kööe, ni «Bäŋ gïn mo obøth mo yaa joodø baŋe.

Jøøn 19:6

'Ba na neeni ya kwääc laammi ki dïkuye mo Øt Jwøk, gena rëëdö døc, ni köge, ni «Gurï! Gurï bäät jaadha no odëëdö!» 'Ba Paylat aköö jïge, ni «Lwørru ki dëëtu ni guru gøøni bäät jaadha no odëëdö, kiper aani bäŋ gïn mo obøth mo yaa joodø baŋe.»

Moa Tïïc Nyïïatwieli 13:28

Këël na bëëde ni bäŋ gïn mo ege joodø mo eni doo rømø ki thøø, geni Paylat apëënyge nee eni 'näk.

Moa Tïïc Nyïïatwieli 19:34

'Ba na ŋecge gø ni ena ŋat Juuth, gena rëëdö ki dwøl aciel ki kany mo jïtö ki kar caae ariiø, ni ge rëëdi, ni «Dwøŋŋa Artema jwø jø Epeca!»

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.