Maak 14:72 - Wëël Jwøk

⁷² Ni put gwienø nwöyö ki köö. Ni ö Piterri ni put wïïe par ki gïna caan Jecu jïre, ni «Dïwääni ni gwienø poot kär köök kwöre ariiø, riï mooŋï mooŋø ki aani ki kwöre adäk naa kuyï.» Ni päth cwïnye døc ni jwöŋe.

Maak 14:72 Iomraidhean Croise

2 Camiel 24:10

Køøre Deebit cwïnye apädhö ki køør mana nø kwaan jiy. Kanyøgønø, Deebit alämö jï Wuuö Jwøk ni kööe, «Wui Wuuö Jwøk, aana nø bääyö døc ki køør gïna tïïa. 'Ba ennø, beerra man wëënnï raay 'moa, a na dhaanhnhï, kiper aani gïnögø atïïa ni wïïa kära caarø.»

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 36:31

Køøre nø, wïthu caarru caarø ki uutjïëthe mou na reyø ki tïïe mou na näk ba beyø, ni männu ki dëëtu keeru kiper raay mou ki japa näk yia raac ki ge na tïïyu.

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Mathiew 26:34

'Ba adwøk Jecu jïre, na «Adïëri møn, a caana gø jïrï, ni dïwääni ni gwienø poot kär köök, riï mooŋï mooŋø ki aani kwöre adäk naa kuyï.»

Maak 14:30

Ni kö Jecu jïgø, na «Adïëri møn, a caana gø jïrï, ni dïcäŋi, yi wäär man, ni gwienø poot kär köök kwöre ariiø, riï mooŋï mooŋø ki aani ki kwöre adäk naa kuyï.»

Maak 14:68

'Ba Piter dëëre amooŋe, ni kööe, «Aani, gïnö ni caanï enøgø tiere kuua; bäŋ gïn mo ŋääa kipere.» Ni aa dhi kal.

Maak 14:71

Kanyøgø Piter atägö ki man cwöl acïëni bääte, ni kööŋe, ni «Ŋatø ni cäänu kipere enø kuua.»

Luk 22:60

'Ba Piter aköö, ni «Nyie, gïnö ni carï enø, kuua.» 'Ba kanya poode ni cäänö, gwienø aput köö.

Luk 22:62

Ni ci wøk ni jwöŋe ni keeya yie.

2 Körin 7:10

Kiper teeŋ kïmmö man wø many Jwøki wø käla løk cwïny man wø bwöth baŋ pïëm man piem jiy ki gø, ni bäŋ jääl røk. 'Ba kïmmö mar pinyi en wø duua thøø.