Maak 14:61 - Wëël Jwøk

⁶¹ 'Ba ena lïŋö ni bäŋ gïn mo ee dwøgø. Ni cäŋi ya Kwääy Lammi Mana Dwøŋ pëënynyö, «?Bee ï na Krictø, O Jwø wø pwøc?»

Maak 14:61 Iomraidhean Croise

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Mathiew 8:29

Kanyøgø gena put lier døc, na «?Agïnaŋø noo tïïyï ki waani, ï na O Jwøk? ?Aŋø, ï ö kany kiper nee wa caarï ni kanya wäŋŋi poodi?»

Maak 14:60

Køøre Kwääy Lam Mana Dwøŋ aput ö maal dïge, ni pëëny Jecu, ni «?Aŋø, bäŋ gïn mo løgï kiper gïïögø ni car jøøgø dëërï enø?»

Maak 15:2

Kanyøgø ena pëëny Paylati, ni «?Bee ïïni na nyeny jø Juuth?» Ni løk gø jïre, na «Acaanï na kare.»

Jøøn 1:34

'Ba aani, ajooda ki waŋa ni køba gø, ni ‹Man beeye na O Jwøk.› »

Jøøn 10:24

Kanyøgø jø Juuth røkge acooŋge buute, ni köge jïre, ni «?Marï ocaanï gø wäne ni wëëgï wa koor en? Ni näk beeye ïïni na Krictø, caanï jïwa ni wïnyö jaak.»

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 19:7

'Ba aløk jø Juuthi jïre, ni «Jïwa da luubö ri ciik Jwøk, 'ba ki køør luummögøøni, eni doo nääö kiper na døøc ree O Jwøk.»

Jøøn 19:9

Ni cäŋ døø øt bura ni kööe jï Jecu, na «?A kaa na kälï yie?» 'Ba Jecu bäŋ gïn mo ee løø.

Moa Tïïc Nyïïatwieli 8:32

'Ba luupa kwaane yi wëël Jwøk beege ii, ni «Eni dhee käre jaalø, keda diel mo køøla baŋ ŋaal, wala nyidiel mo lïŋö cer ŋat wø nyaar jïëye.

1 Timöthi 1:11

kaawat pwöc mana en ri luumma nyään na met mar Jwøø ajiem na näk ogwïëdhö na wëëk aani.

1 Timöthi 6:15

'Ba noo tïm kar gïnögø na kare, manøgøøni onyooth Ŋata dwøŋŋa eni keere, na näk ogwïëdhö, eni na näk Nyeny nyeye, ni näk Kwääny kwääri,

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.