Maak 14:21 - Wëël Jwøk

²¹ Kiper Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Maak 14:21 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Aydheea 52:14

Jiy mo thööth yïthge othäŋŋi kanyo jootge gø, kiper kïdö mare oraanynyø ni put tïmö ni ba caal kït dhaanhø; ni dëëre bäre ogwayø ni ba caal dëër dhaanhø.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 26:54

?'Ba ni näk mo beeye enøgønø, weet Jwøk moa köö ni gïn tägi en doo tägö na enøgønø, a dege thur karge nidïï?»

Mathiew 26:56

'Ba gïnögø bäre tägi kaper nee luupa göör nyïïkuk Jwøki thurge karge.» Kanyøgø bääŋi bëët Jecu awecge ni reŋge.

Maak 14:20

'Ba ena köö jïge, ni «Beeye dhaanhø aciel dïïu, u na apaar kurriiø, ŋat cweny møø ya athäänh ki aani na aciel en.

Maak 14:22

'Ba kanya pootge ni ge cämö, Jecu alwötö ki møø, ni gwïëth gø, ni pøt gø, ni mëëk gø geni, ni kööe, «Lwørru. Man beeye dëëra.»

Maak 14:49

Aani, cooth a wø bëëdö ka uuni naa pöö yi kal mar Øt Jwøk Mana Dwøŋ, ni käru a maa. 'Ba gïïögø tägi kaper nee weet Jwøk thurge karge.»

Luk 22:22

Kiper Wär Dhaanhø cøø keda mana kwøŋi caan. 'Ba otïmö ni raac jï ŋatøgø noo cïp aani.»

Luk 24:44

Kanyøgø ena köö jïge, ni «Moi beege luupa na caana jïïu kanya pooda naa bëëdö ka uuni, ni luup bëët moa näk ogöörö kipera ri ciik Modhe, ki mo nyïïkuk Jwøk, ki moa en yi Dut Pwøc thura karge.»

Jøøn 19:28

Køør manøgø na ŋäyi ya Jecu ni jammi bëët anø thur karge, ena köö, ni «Raa da riew.» Manøgø acaane nee luumma en yi Wëël Jwøk thur kare.

Moa Tïïc Nyïïatwieli 1:25

kiper nee jïte ki kare ri tïïc man en, nee tïme na nyïïatwiel na kar Juudac na gaa wøk na joot mare nyïme.»

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.