Maak 14:18 - Wëël Jwøk

¹⁸ 'Ba kanya enge kar cam ni ge cämö, Jecu aköö, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän, ŋat mo wa cämö ki gø ennø.»

Maak 14:18 Iomraidhean Croise

Mathiew 26:21

'Ba kanya cämge, Jecu aköö, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän.»

Mathiew 5:18

Kiper adïëri møn, a cäänna uuni, ni këël kanyo räny maalli ki piny, thääŋ piil ciik Jwøk mo thiinh ba doo rwäänyö, këël mano thur jammi moa wäŋŋi bëët karge.

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:2

«Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:5

«Ni kanyo wäro lämu, käru tïmö nou caala jø atade. Kiper yïthge met ki lam ni ge cuŋŋö uut acook lam ka agääk jïëthe, kiper nee ge neen jiyi. Adïëri møn a caana gø jïïu, ni gïna doo ci jïge, anø jootge.

Maak 10:15

Adïëri møn, a caana gø jïïu, ni ŋato wäro ba jïëc buc Jwøk kaamar nyilaal, ba doo dønynya yi gø.»

Maak 10:29

Ni kö Jecu, na «Adïëri møn, a caana gø jïïu, ni dhaanhø mo paac ee wiiø, wala nyïïmenni, wala wänni ki menni, wala obwöre, wala pwöth, kiper nyeŋŋa ki luumma nyään na met,

Maak 14:17

'Ba na tïm pinynyi na wäär, Jecu aöö ki bääge na näk apaar kurriiø.

Maak 14:19

Ni bwøk cwïnyge, ni täkge ki man pëënyge eni no oceele oceele, na «?Aŋø, beeye aani?»

Maak 14:25

Adïëri møn, a caana gø jïïu, naa ba mäthi ki pï nyïïomøki këët, këël kanyo cäŋa gø maathø yie ni nyään yi buc Jwøk.»

Maak 14:9

Adïëri møn, a caana gø jïïu, kanyo wäro køp luumma nyään na met yie bäät piny bäre, gïna tïïc dhaagø manøgø enø, wø wäro caan ni parra wïc ki eni.»

Maak 3:28

Adïëri møn, a caana gø jïïu, ni jammi bëët owec Jwøki jï jiy, këël raay moge ki kwör ajaany bëët mo wø jätge ki ge.

Maak 6:11

'Ba ni näk da paac mou ba pänhnhe, ni kweerge ki man wïnyge maru, tør tietu wär teeŋŋu kanyo aayu nee tïme na nyuudhi dëëtge.»

Maak 8:12

Ni ö Jecu ni jwïëe døc ki yie bäre, ni kööe, na «?Aŋø ni ö beenhnhø man ni many ŋïï en? Adïëri møn a caana gø jïïu, bäŋ ŋïï mo nyooth jïge.»

Maak 9:1

Køøre Jecu aköö jïge, na «Adïëri møn a caana gø jïïu, ni da jø møøk mo cuŋŋö kany mo thøø ba jootge këël kanyo neenge buc Jwøk ni ööi ka teek.»

Maak 9:41

'Ba adïëri møn, a caana gø jïïu, ni ŋato wäro mooc uuni ka athöönh pïï mo maathu kiper na nägu mo Krictø, mano mëëk eni ba doo kääŋö bäre bäre.

Luk 11:51

ni tägi ka rem Eebel këël mano këët ri rem Dhekaraya, ŋata nää yaakic gïn wø cïp olämme bääte ki Øt Jwøk. Adïëri møn, a cäänna uuni, ni kwöri moøgø ocool ri beenhnhi en.

Luk 22:21

'Ba neennu, ŋato cïp aani ceŋ nyïïmän, cere okuut yi cam ki aani na aciel ennø.

Luk 4:24

Ni kööe, na «Adïëri møn, a caana gø jïïu, ni bäŋ nyikuŋ Jwøk mo ojïëö dï poge.

Jøøn 1:51

Ni cäŋ Jecu köö jïgø, na «Adïëri møn a cäänna uuni, uuni, maal oneennu ni ree ee jabø, ni nyïïatwiet maal mo Jwøk cøøa maal ni ööa piny bäät Wär Dhaanhø.»

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 13:21

'Ba na løny Jecu ki caan luummögø, cwïnye apädhö, ni put dwøre caan, ni kööe, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän.»

Jøøn 13:22

Ni ö bääge ni neetge nyeŋge, ni ŋata cääne kipere kucge.

Jøøn 13:38

Ni løgi ya Jecu, na «?Aŋø, ïïni jwïëyï diï cïbö kipera? Adïëri møn, a caana gø jïrï, ni gwienø ba doo köök, ni riï poot kärï mooŋø ki aani kwöre adäk naa kuyï.»

Jøøn 21:18

Adïëri møn, a caana gø jïrï, ni kanya poodï ni ïïna wøp, ï wø ruyö ka abïï, ni ciï kany wø manynyï. 'Ba kanyo jalï, ceŋŋï orwaagï baŋ dhaanhø mør ni kïth abïïnï dëërï, ni kïth ïïni kany mo kärï parø ki man ciï yie.»

Jøøn 3:11

Adïëri møn a caana gø jïrï, wa caana gïn mo ŋäcwa, ni wa køpa mana neenwa. 'Ba u kär jïëy ki luumwa.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 6:26

Ni løgi ya Jecu jïge, na «Adïëri møn, a caana gø jïïu, naa ba cayu kaper ŋïïce moa neennu, 'ba a cayu kaper muunni moa cammu ni jäŋŋu.

Jøøn 6:32

'Ba Jecu aköö jïge, na «Adïëri møn, a caana gø jïïu, ni paa Modhe na mooc uuni ki møø mana öö ki maal, 'ba beeye Wära wø cïp møø mana näk adïëri jïïu ni wø ööi ki maal.

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»