Maak 13:9 - Wëël Jwøk

⁹ «'Ba gwøgu rou, kiper uuno kïthge kwör løøe, ni pöötge uuni yïth uut acook lam. Ni cuŋŋu nyïm kwääri ki nyeye kiper nyeŋŋa, nou køpa gïra nyïmge.

Maak 13:9 Iomraidhean Croise

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Maak 1:44

ni caan gø jïgø, ni «Kär dee gïn caanï jï ŋat mør. 'Ba ciï, ni nyoothï dëërï jï dïlämi, ni cïpï ko olämi mana caan Modhe kiper døøn dëërï kare ni wø näk ŋïï jï jiy.»

Maak 13:5

Ni ö Jecu ni täge ki man cään ge, ni kööe, ni «Gwøgu rou, nee bäŋe ŋat mo maaŋ wïthu.

Maak 13:8

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør. Ni tïm kwör mo thööthi ni jäŋŋi, ni jït pinynyi ki meel. Ni gïïögøøni beege nyäät gïï mo leth moo tägi.

Maak 6:11

'Ba ni näk da paac mou ba pänhnhe, ni kweerge ki man wïnyge maru, tør tietu wär teeŋŋu kanyo aayu nee tïme na nyuudhi dëëtge.»

Luk 9:5

'Ba kanyo ba pänh uuni yie, kanyo tïŋŋu paanøca, wär tør tietu teeŋu yie, nee tïme na nyuudhi dëëtge.»

Jøøn 15:20

Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Moa Tïïc Nyïïatwieli 21:11

'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› »

Moa Tïïc Nyïïatwieli 7:54

'Ba na wïnyge gïïögø, gena gootø døc ni kaacge lakge kipere.

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

Pilipay 1:29

'Ba ocïbö jïïu kiper nyeŋ Krictø, ki man jwørru gïï mo leth kipere, ni paa man jïëyu ni ŋääthu eni keere.

2 Thecalönika 1:5

'Ba manøgø nyootha gø ni ŋøl mar Jwøk beeye adïëri, nou tïmu ni uuno rømø ki buc Jwøk, ni beeye ni jwørru gïïögø kipere.

2 Jøøn 1:8

Gwøgu dëëtu, kiper nee gïna tïïu kipere nee ba rwäänye jïïu, 'ba nee mana doo ci jïïu nee wëëk uuni na kare.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.