Maak 13:8 - Wëël Jwøk

⁸ Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør. Ni tïm kwör mo thööthi ni jäŋŋi, ni jït pinynyi ki meel. Ni gïïögøøni beege nyäät gïï mo leth moo tägi.

Maak 13:8 Iomraidhean Croise

2 Luup Nyeye 15:6

Paac man nø këëdö ki paac mør, ni ö päänynyi man nø ni këëde ki pääny mør, kiper gena wëëk Jwøki jwør gïï mo leth ma teeŋi.

Aydheea 19:2

Wuuö Jwøk aköö, ni «Jø Ijep tïïa tïïö nee døøge rege keerge; ni tïm ŋati man nø ni këëdö ki coki, ni ö ŋat atut man nø ni tïme ni këëdö ki ŋat atut mare, ni ö päänye moe ni tïmge ni këëdö ki rege, ni kwääri moe thuwø këëdö ki rege keerge.

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Aydheea 37:3

Ni kö jøøgø jï Aydheea, ni «Edhekaya aköö, ni ‹Dïcäŋ man beeye dïcäŋ jwør gïï mo leth, ni beeye cäŋ ajäla, ni beeye cäŋ ataa; kiper ø caala dhaagø mo lwaar ki nyilaal, mo cøøl odhäthö jïre kiper mana näk mo dëëre jääk.

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 25:32

Man beeye mana caan Wuuö Jwøki, eni na wïth jammi bëët, ena köö, ni «Ennø, gïï mo leth onyaay, ni tägi ka baŋ wï jur man nø, ni pïïe baŋ wï jur man nø. Mäny mo teek oööi kaamar atuunna, ni tägi ka ya aŋuun piny.»

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Jeremaya 50:43

Nyeny Babiløn gïna caan kiper jø leny moøgø awïnynye, ni ö bääte ni pädhe; ni ö lwärri mo dwøŋ ni mak eni, ki rääm mo caala rääm dhaagø mo ree da mäc lwaar.

Jeremaya 6:24

Waani gïna caan kiper jø leny moøgø awïnywa, ni ö bäätwa ni päthge, ni ö lwärri mo dwøŋ ni mak waani, ki rääm mo caala rääm dhaagø mo ree da mäc lwaar.

Agëë 2:22

Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Dhekaraya 14:13

Dïcäŋöca lwär mo dwøŋ mo käla baŋ Wuuö Jwøk ööa bäätge; ni ö ŋati man nø ni gam cer watge, ni ö manni nø ni tïŋ cere maal bäät watge ni ge pööta rege keerge.

Mathiew 24:8

'Ba gïïögø bëët beege nyäät gïï mo leth moo tägi.

Maak 13:7

'Ba kanyo wïnynyu mänye ki waac mänye, kär nou bwøk. Kiper gïïögø kwøŋa tägö, 'ba cuŋŋe poodi.

Maak 13:9

«'Ba gwøgu rou, kiper uuno kïthge kwör løøe, ni pöötge uuni yïth uut acook lam. Ni cuŋŋu nyïm kwääri ki nyeye kiper nyeŋŋa, nou køpa gïra nyïmge.

Moa Tïïc Nyïïatwieli 11:28

'Ba dhaanhø aciel dïge mo cwøl ni Agaba aö maal ni køp gïna nyooth Jwïëc Jwøki jïre, ni piny bäre jïtö ki meel. 'Ba gïnögø täga ri nïr nyeya ma Kalødia.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Mana Nyooth 6:4

Ni cäŋ okweenynyi mør ö wøk mo kwaar døc. 'Ba ŋata en bääte omooø ki teek man raany bëët-mëër bäät piny, kiper nee jiy røkge 'näkge. Ni mooi ko opëëllö mo dwøŋ døc.