Maak 13:7 - Wëël Jwøk

⁷ 'Ba kanyo wïnynyu mänye ki waac mänye, kär nou bwøk. Kiper gïïögø kwøŋa tägö, 'ba cuŋŋe poodi.

Maak 13:7 Iomraidhean Croise

2 Camiel 14:14

Ka adïëri møn, øøni ø thøw kaawat man bëëde ni pïï mo oøøc piny ba løny ki jøøp këët. 'Ba Wuuö Jwøk jwïëc dhaanhø ba raanynye; eni määnyö ki jöö nee dhaanhø mo oreeŋø ki køør gïna baae nee duu baŋe, ni ba bëëde ni tøør dëëre.

Pwöc Leec Wïc 3:25

Kär niï lwäyö ki gïï wø leth ni wø cwöp røk, ki ränynyö man wø ööi bäät jøøa reyø,

Aydheea 8:12

ni «Gïn wø kö jøøgø na ageem, kär jïëyu na ageem, ni ba lwäärru ki gïn wø lwäärge, wala u wëëga cwïnynyu bwøk ki gø.

Jeremaya 51:46

Uuni, kär cwïnynyu bwøk, ni ba lwäyu ka akøpi mo wø cari yi ŋöömmi en, ni beeye akøpi mo wø cari ni da gïn mo tägö yi cwiir man, ni cwiino ööi, poot da akøpi mo di carø. Ni ö ŋöömmi bäre ni jïte ko okiera, ni kwäärö man nø këëdö ki kwäärö maya.

Mathiew 18:7

«Otïmö ni raac jï jø piny kiper gïï wø wëëk dhaanhø bääyö. Kiper gïï wø wëëk dhaanhø bääyö tägö møn, 'ba otïmö ni raac jï ŋato öge ki køøre.

Mathiew 2:3

'Ba kanya ö nyeya ma Eerat na wïny gïnögø, cwïnye apädhö këël jø Jerucalem bëët.

Maak 13:6

Jiy mo thööth oööi ki nyeŋŋa, ni köge, ni ‹Beeye aani na eni.› Ni ö geni ni maaŋge wïth jiy mo thööth.

Maak 13:8

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør. Ni tïm kwör mo thööthi ni jäŋŋi, ni jït pinynyi ki meel. Ni gïïögøøni beege nyäät gïï mo leth moo tägi.

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Moa Tïïc Nyïïatwieli 17:3

Ni para tier gø ni nyootha gø jïge ni Krictø ba doo kääŋö ki man jwør gïï mo leth ni tïŋi maal ki yi thøø. Ni cara gø, ni «Jecu man en ni køba jïïu en beeye Krictø.»