Maak 12:32 - Wëël Jwøk

³² Ni kö ŋatøgø jïgø, ni «Kare møn, dïpööy. Acaanï na adïëri ni Wuuö Jwøk beeye eni keere, ni bäŋ mør, 'ba beeye eni.

Maak 12:32 Iomraidhean Croise

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Maak 12:29

Ni løgi ya Jecu, ni «Ciik mana pere letha eni beeye en, ‹Wui, u na jø Icriel, wïnynyu! Wuuö Jwøk na näk Jwøø bee eni keere na Jwøk.

Maak 12:33

Ki man mëërö ki eni ki cwïny bäre, ka acaara bäre, ki teek bäre, ni mëërö ki dhaanhø mør keda man wø mëër dhaanhe ki dëëre, letha pere døc ki man cïp olämme mo wø waaŋ bäre ki teeŋ olämme møga.»

Tiet Ciik 4:35

'Ba gïïögø anyooth jïïu kiper nee Wuuö Jwøk ŋäyu, ni beeye eni na Jwøk keere, ni bäŋ Jwøk mør këët.

Tiet Ciik 4:39

«Kiper manøgønø, gïn wär ŋäyu dïcäŋi ennø, ni kïthu gø cwïnynyu, ni Wuuö Jwøk beeye Jwøk ni en maal bäre, ni en bäät piny bäre, ni bäŋ Jwøk mør.

Tiet Ciik 5:7

« ‹Kär dee juu møøk jïrï këët nyïma.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;