Maak 12:17 - Wëël Jwøk

¹⁷ Ni kö Jecu jïge, «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.» Ni rëëm yïthge ki gø.

Maak 12:17 Iomraidhean Croise

Pwöc Leec Wïc 23:26

Nyie wääda, cïp cwïnyï køøra, ni këëllï waŋï jöör bëëtö mara.

Pwöc Leec Wïc 24:21

Nyie wääda, lwäär Wuuö Jwøk ki nyeya, ni ba dwätï ki jø wø many ageem;

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Mathiew 22:21

Ni dwøkge gø jïgø, ni «Beeye Cidhar.» Kanyøgø Jecu aköö jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Mathiew 22:22

'Ba kanya wïnyge gïnögøøni, yïthge arëëm, ni wecge Jecu ni aacge.

Mathiew 22:33

'Ba kanya ö lwaaki na wïnyge gïnögø, yïthge athäŋŋö ki pwöc mare.

Mathiew 22:46

'Ba bäŋ dhaanhø mo oløny jïre ki man duun gø ki luubö. Ni bäŋe ŋat mo cwïnye ee maar mak ki man pëëny gø ki pïëc møøk këët køør pïëyögø.

Mathiew 8:10

'Ba kanya ö Jecu na wïny mare, yie arëëm, ni kööe jï jøøa cäädhö køøre, na «Adïëri møn, a cäänna uuni, ni teeŋ ŋäädhe ma enøgønø poot kära joodø, këël dï jø Icriel.

Maak 12:16

Ni känge ka aciel. Ni kööe jïge, ni «?Man a kïdö mar ŋa ni nyeŋŋe oput göör tiere en?» Ni köge jïgø, ni «Beeye Cidhar.»

Maak 12:30

Niï doo mëër ki Wuuö Jwøk na näk Jwøï ki cwïnyï bäre, ki jwïëyï bäre, ka acaayï bäre, ki teegï bäre.›

Luk 20:25

Ni kööe jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 13:7

Cïpu gïï wø cïpu jïge bëët. Cïpu teeŋ ajwäk bëët jï ŋat wø en ajwäki cere, ni lwäärru ŋat mo di lwäärö, ni wøørru ŋat mo di wøørø.

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

1 Piter 2:17

Wøørru jiy bëët. Ni mëërru ki nyïïmëëe. Lwäärru Jwøk. Ni wøørru nyeya mana dwøŋ.