Maak 11:27 - Wëël Jwøk

²⁷ Ni ö Jecu ki bääge ni cäŋge ö yi Jerucalem. 'Ba kanya cäädhe yi kal mar Øt Jwøk Mana Dwøŋ, kwääc laam, ki dïpööye mo ciik Jwøk, ki jaae aö baŋe.

Maak 11:27 Iomraidhean Croise

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Maak 11:28

Ni köge jïgø, na «?A teega ŋø ni wø tïïyï gïïögøøni ki gø? ?Na aŋa na wëëk ïïni teegøgø ki man tïïyï ge?»

Maak 14:1

'Ba kanyøgø oløny ni dööŋŋa nïne ariiø kiper cäŋ Cäŋa Pööth Thøøe Yie, ka ajwöm-cam mar Møga Näk Ree Bäŋ Thømmø. 'Ba kwääc laam ki dïpööye mo ciik Jwøk ge caya jöö man makge Jecu ki gø mëëth ki piny, nee 'näkge.

Jøøn 10:23

'Ba kar kanyøgø, piny arïïa, ni Jecu nutö kaagø, ni eni cäädhö ya agööl Cølöman na en deŋ Øt Jwøk Mana Dwøŋ.

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.