Maak 11:10 - Wëël Jwøk

¹⁰ Gwïëth en ri buc kwarø ma Deebit noo ööi. Wui, Odhaana! Pwøc en jï Jwøk ni en maalø!»

Maak 11:10 Iomraidhean Croise

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

Mathiew 3:9

ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»