Maak 10:45 - Wëël Jwøk

⁴⁵ Kiper Wär Dhaanhø thuwø kär öö nee tïnynyi, 'ba ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Maak 10:45 Iomraidhean Croise

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Maak 10:44

Ni ŋat wäro many man tïme ni ena nyïm dïïu, wär dëëre døøc ma laŋŋø jï jiy bëët.

Jøøn 10:15

kaa mana ö Wuue ni ŋäc aani, ni ŋääa Wuuö thuwø. Ni aani jwïëya cïba cïbö kiper dïëk.

Jøøn 13:14

Ni näk aani na näk Kwääyu, ni näga Dïpööy, tietu yaa lwøø, uuni thuwø ŋati man nø tiet watge dee lwøø.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 5:8

'Ba këël na näk ena O Jwøk, ena kwänynyö ki man leŋ luup ki køør gïïa leth na jwøre.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.