Maak 10:38 - Wëël Jwøk

³⁸ 'Ba Jecu aköö jïge, no «U pëënynya gïn mo kuyu. ?Maara lønyø jïïu ki man mäthu ka athöönhnho mätha ki gø? ?Wala dëëtu di lwøø ki lwøk dëël mano lwøk a ki gø?»

Maak 10:38 Iomraidhean Croise

1 Nyeye 2:22

'Ba aløk nyeye ma Cølöman jï menni ni kööe, na «?Aŋø ni pëënynyï Abicak nyi jø Cunem nee cïp jï Adöniya en? ?Aŋø, manøgønø, ï ba pëëny nyec nee wëëk eni thuwø, eni ki jiye, ni beege Abiethaar na näk Kwääy Lam Mana Dwøŋ ki Jöap o Dheruya? Kiper beeye eni no owära mana dwøŋ.»

Aydheea 51:22

Man bee gïna caan Kwäärö Wuuö Jwøk, Jwøk maru, eni ni wø bëëdö ni pïëmö kiper jiye, ena köö, ni «Ka adïëri møn, aani, athöönh wëër mana cïba jïïu, na tïïc uuni nou bøømmø, akäla wøk ceŋŋu, nou ba cäŋ mäthö ki gø këët na bäre bäre.

Jeremaya 25:15

Man beeye luumma caan Wuuö Jwøki jïra, eni na Jwø Icriel, ena köö, ni «Lwør athöönh ajäla man ni yie da køøŋø ni en cera en, ni nyootha wëër mara, ni cïpï gø jï wïth juurre moo jääŋŋa ïïni baŋge bëët nee maathge.

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Mathiew 3:6

Ni lwøk geni na nyuudhi yi Naam Jördan, ni køpge raacge.

Maak 14:36

Ni kööe, «Abba, Awuuö, jammi bëët lønynya jïrï. Wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Luk 12:50

Aani da gïn mo leth mo jwøra jwørø, ni cwïnya lääŋŋa gø døc, këël mano thur kare.

Luk 22:42

na «Awuuö, ni näk mo ïïno jïëy, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï na doo tïïö.»

Jøøn 18:11

'Ba Jecu aköö ki Piter, ni «Dwøk opëëllö marï yi købe. ?Aŋø, athöönhnha cïp Wära jïra ba daa maadhø?»

Wëëlö Mana Göör Pøølli Baŋ Jø Röm 8:26

Kaawat manøgø thuwø, Jwïëc Jwøk wø kønya øøni kiper mana jägø. Kiper lam mana døø lämö ki gø kuuø. 'Ba beeye Jwïëc Jwøk ki dëëre ni wø kwääö kiperø nyïm Jwøk, ni eni jwöŋö ki cwïnye bäre ki dwøl mo ba maar caan ki dhøk.

Jeemeth 4:3

'Ba u wø pëëö møn, ni ba mëëgi uuni, kiper u pëëö ka pïëc mo patha kare, nou manynya gïïa reyø wø nieŋ cwïnynyu køørge nee yïthu mïnge.