Maak 10:30 - Wëël Jwøk

³⁰ eno mooc ki jammi mo thööth yi pinyi ennø, ni kaala moa dïkwøŋ, teeŋ ka uudi, ki nyïïmëëe, ki mëëe, ko obwöre, ki pwöth, këël ki caannø thuwø. 'Ba piny mano ööi beeye kwøw mana näk adïëri na bäŋ cuŋŋe.

Maak 10:30 Iomraidhean Croise

2 Luup Nyeye 25:9

'Ba Amaciya aköö jï nyikuŋ Jwøk manøgø, na «?Agïnaŋø nø noo tïïcwa kiper gwet-bïrö moa näk rumme ma kikarri ma dïpa na nø cïba jï jø leny mo Icriel?» Ni løgi ya nyikuŋ Jwøki, ni «Wuuö Jwøk cïpö jïrï ki mo thööth mo opöödhö ni kaala moøgø.»

Pwöc Leec Wïc 16:16

A teeŋ beer mo nyïëdi ki man joot leec wïc ni kaala warkey! Naa teeŋ beer mo nyïëdi ki man jier ŋäc tiet luup ni kaala gwel-bïrö!

Milkiya 3:10

'Ba beeye aani na Wuuö Jwøk, a na wïth jammi bëët, ni cäänö en. Ennø, kälu paac wïth jammi na karge ni kïthu gø kar kan na en yi øt lam mara, kiper nee tïme ni da cam yi øda kaace. Tïïyu gïn nou päänynya aani; køøre ojootu ni maal yaa jabø ni wëëga gwïëth mo päl døc ööny bäätu, këël mano rømu ki gø.

Mathiew 12:32

'Ba ŋato wäro cäänni ki luubö mo raac dëër Wär Dhaanhø, eno wëën Jwøki. 'Ba ŋat wäro cäänni ki luubö mo raac dëër Jwïëc Jwøk na en kur keere, eni ba wëën Jwøki yi pinyi en wala yi mano ööi.

Mathiew 13:8

'Ba köödhi møøk apäth yi ŋöömö mo beer, ni känge ki nyeŋ. Møøk käla nyeŋ ma dïpa, ni møøk käla pïërabïciel, ni kän møga ki pïëradäk.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Luk 18:30

mo ba jïti ki gïï mo thööth yi pinyi en, ki kwøw mana näk adïëri mo bäŋ cuŋŋe yi piny mano ööi.»

Jøøn 10:23

'Ba kar kanyøgø, piny arïïa, ni Jecu nutö kaagø, ni eni cäädhö ya agööl Cølöman na en deŋ Øt Jwøk Mana Dwøŋ.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 16:25

'Ba na tïme na dï wäär, Pøøl ki Cayla gena lämö ni wärge ki dudi jï Jwøk. 'Ba jøøa näk otwöö, ïthge acekge jïge.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

1 Timöthi 6:6

'Ba gïn mo dwøŋ wø di joodø møn ki køør bëët jöör Jwøk ni näk mo dhaanhø cwïnye ocïp piny ki jammi moa nut jïre.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 5:11

'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.