Maak 10:24 - Wëël Jwøk

²⁴ 'Ba bääge yïthge athäŋŋö ki luupe. 'Ba Jecu acäŋ köö jïge, «Obwöre, døny buc Jwøk teee ki teek mo nyïëdi ki man døny yie.

Maak 10:24 Iomraidhean Croise

Pwöc Leec Wïc 11:28

Ŋat wø ŋääth jap kwärö moe, pätha yi ränynyö, 'ba ŋata mare beer bëëdö no oløth kaamar jaath.

Pwöc Leec Wïc 18:11

Jap kwärö mo dhaanhø caala pääny mo ogeerø ni teek ki jïre, ni ee caarø ni beeye kiir mo bäär mo gwøga eni.

Pwöc Leec Wïc 23:5

Kany wø näk mo waŋï këëta bääte, puta aay; kiper kwärö wø laara jïtö ki bwöm, ni tïme kaamar odhuuth ni wø määt maal.

Jeremaya 9:23

Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Mathiew 19:25

'Ba kanya ö bääŋi na wïnyge gïnögø, yïthge athäŋŋö døc, ni pëëge, na «?Aŋa nø, noo maar piem?»

Maak 1:27

'Ba geni yïthge arëëm bëët, ni pëënyge dëëtge keerge, ni köge, ni «?Man agïnaŋø? ?Pwöc mo nyään? Këël juuga reyø aköömme ki teek, ni leŋge dwøre.»

Maak 10:23

'Ba Jecu alwïthö ni kööe jï bääge, «Døny buc Jwøk oteee ki teek mo nyïëdi jï jøø no okwär yøø ki man dønyge yie.»

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 21:5

Ni kö Jecu jïge, no «?Obwöre, jïïu da rec?» Ni løkge gø jïre, ni «Bäŋgø.»

Jøøn 6:60

'Ba bääk Jecu mo thööth na wïnyge luummögø, gena köö, ni «Man a luubö mo teek. ?Aŋa noo lønye jïre ki man jïëc gøøni?»

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

1 Jøøn 5:21

U ni therø, bëëdu ni karu bäär ki gïï wø lam jaak.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.