Maak 10:21 - Wëël Jwøk

²¹ 'Ba jïre aneen Jecu ni mëër ki gø, ni kööe jïgø, ni «Da gïrpiny aciel mo poot kärï tïïö. Ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra, 'ba ïïno jïti ki jap kwär maal.»

Maak 10:21 Iomraidhean Croise

Wïlöölö 34:19

Ni ö Cekammi ni put tägö ki man tïïc gïnögø, kiper eni cwïnye okäl nyi Jeekap døc. 'Ba Cekam beeye dhaanhø mo pere leth døc dï jiy moa en po wänni bëët.

Pwöc Leec Wïc 23:23

Adïëri manynyï, ni ba dwøgï gø pwödhö, ni manynyï leec wïc ki pwöc ki ŋäc tiet luup.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 19:21

Ni kö Jecu jïgø, ni «Ni näk miï manynya man tïm bëëtö marï no othur kare ni beer bäre, ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra. Køøre nø, ïïno jïti ki jap kwär maal.»

Maak 10:22

'Ba na wïny luummögø, täärnyïme aniduk, ni aae ni cwïnye opädhö. Kiper eni jïre da jammi mo thööth døc.

Maak 8:34

Ni cwöl lwaak baŋe ki bääge ni kööe jïge, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Luk 10:42

'Ba da gïrpiny aciel keere na doo manynyø. 'Ba Meeri mana beer ajiere, mo bäŋ ŋat mo doo käla gø wøk cer gø.»

Luk 12:33

Dwøgu japu pwödhö ni cïpu jammi moøgø jï jøøa can. Ni mooyu dëëtu ko opïri mo ba jøøl, ni beege jammi mo okanø maal, ni wø nut karge cooth, kany wø bäŋ kuu mo ci baŋge, ni bäŋe alweela mo räänyö.

Luk 16:9

'Ba aani ki dëëra, a cäänna uuni, ni määnynyu dëëtu ki nyïïawäädi ki jap kwärö mo bäät piny, kiper dïcäŋo thum jammi yie, nou jïëc kwör bëëte moa näk bäŋ cuŋge.

Luk 18:22

'Ba Jecu na wïny gïnögø, aköö jïgø, ni «Gïrpiny aciel poot kärï tïïö. Dwøk gïïo en jïrï bëët pwödhö, ni pääŋŋï gwetge jï jøøa can, ni ööï ni cäädhï køøra. 'Ba ïïno jïti ki jap kwär maal.»

Luk 19:41

'Ba kanya ö Jecu na tïm kare ni cään na neen pääny, ena jwöŋö ki gïr gø,

Luk 9:23

Ni caan gø jï jiy bëët, ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö cooth, ni caath køøra.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 2:45

Ni dwøkge ŋøøm moa näk moge pwöth ki gïïa en jïge, ni pääŋge gwetge jï jøøa näk ceŋge orëëm bëët.

2 Körin 12:15

'Ba yia met døc ki man cïba dëëra bäre kiper jwïëyu. ?Ni näk maa mëër ki uuni døc, mëëyu ki aani doo tïmö ni thiinh?

2 Timöthi 3:12

'Ba ka adïëri møn, jiy bëët mo wø many man bëëtge ki bëëtö mar jöör Jwøk ki ri Krictø Jecu, geno caanni.

Ibaru 10:34

Kiper cwïnynyu apädhö ki gïr jø tööc, ni jïëyu ki man twier jammi mou ni yïthu met, kiper mana ŋäyu gø ni jïïu da gïn mo beerra eni mo puta bëëte.

Jeemeth 2:10

Kiper ŋat wø gwøk ciik Jwøk bëët ni baaya aciel dïge, ena tïmö ni baaya ge bëët.

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.

Mana Nyooth 2:4

«'Ba gïna jääla ïïni ki gø en beeye kiper mana weyï mëëyï mana dïkwøŋ.