Maak 10:14 - Wëël Jwøk

¹⁴ 'Ba gïnögø na neeni ya Jecu, cwïnye aränynyö, ni kööe jïge, ni «Weyu obwöre, nee öge baŋa; kär geni mänu. Kiper teeŋ obwöre moøgø nø buc Jwøk a marge.

Maak 10:14 Iomraidhean Croise

Wïlöölö 17:7

Ni ö luumma tuuda ni wëëga gø bëëtö yïthakiyø ki ïïni ki nyïïkwaayï mo ööi køørï, këël yi beenhnhø marge bäre, ni tïm luumma tuuda na gïn mo bëëdö na bäre bäre, kiper naa bëëda ni aana Jwøk maru ki nyïïkwaayï mo ööi køørï bëët.

Aydheea 65:23

Geni, ge ba ööl këët ki gïn mo bäŋ tiere, no obwöre moo nywølge bäŋ gïï mo leth mo pïï dëëtge këët, kiper geno tïmö na jiy mo ogwïëth Wuuö Jwøki, ge ki nyïïkwaacge bëët.

Kwään Jiy 14:31

'Ba obwöre mou, moa wäŋŋu ni di maaø ki tøŋ, geno kïtha yi ŋöömmögø, ni jootge ŋöömma kwierru.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:4

'Ba ŋato wäro døøc dëëre mo mwöl kaamar nyilaari, beeye eni ni kare dwøŋ yi buya käl maal.

Mathiew 19:14

'Ba Jecu aköö, ni «Weyu obwöre, nee öge baŋa; ni ba mänu ge. Kiper teeŋ obwöre moøgø nø, buya käl maal beeye marge.»

Mathiew 5:10

«Gwïëth en bäät jø wø caanni ki køør bëëtö marge na beer nyïm Jwøk, kiper buya käl maal beeye marge.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Maak 3:5

Ni neen nyeŋge bëët ni eno gootø, ni cwïnye oränynyö kiper teek cwïnyge, ni kööe jï ŋatøca, «Rwiec cerï.» Ni rwiec cere, ni put cere døø kare.

Maak 8:33

'Ba na løk ree ni neen bääge, Piter ajwøe, ni kööe, ni «Daak riï ŋääa, Ceethan! Kiper acaara marï ba en løø Jwøk, 'ba ena løø jiy.»

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Moa Tïïc Nyïïatwieli 3:25

'Ba uuni, uuna wäät nyïïkuk Jwøk, ni nägu wäät luumma tuut na wëëk Jwøki kwäyu, na kööe jï Eeberam, ni ‹Jø bäät piny bëët ogwïëth ki ri kunhnhö marï.›

Wëëlö Mana Göör Pøølli Baŋ Jø Röm 11:16

'Ba ni näk møø mo okudö ocïbö na jëëdhi na këël wï Jwøk ni ena kur keere na mar Jwøk, møgøgø bäre mana dööŋ ena kur keere thuwø. Ni lweet jaath ni näk mo ena kur keere, bäät jaadhøgø bëët ena kur keerge na mo Jwøk.

Wëëlö Mana Göör Pøølli Baŋ Jø Röm 11:28

'Ba ki kur luumma nyään na met, jø Icriel atïmö na nyïïmän Jwøk, kiper nee luumma nyään ni met ci jïïu, u na juurre; 'ba ki kur jïër mare, gena omëëye ki køør kwäcge.

1 Körin 14:20

'Ba, nyïïmera, kär acaara maru tïmö na acaac obwöre. Bëëdu ni uuno obwöre mo mar ki kur raay, ni tïmu nou døøŋŋø ki kur acaara.

1 Körin 7:14

Kiper dïcwønna näk patha ojïëy, ocïp kur keere na mar Jwøk ki køør cïïe. Ni ö dhaaŋŋa näk patha ojïëy ni cïbi kur keere na mar Jwøk ki køør cwøre. Onää patha enønø, nyïïu doo tïmö ni ba waany, 'ba kawaane gena tïmö ni ge ena kur keerge na mo Jwøk.

Epeca 4:26

«Ni näk mou wëër, käru bääyö.» Ni ba wëëgu cäŋ päth piny nou poot ni uuno gootø,

Tiet Ciik 4:37

'Ba kiper mana ö Wuuö Jwøki na mëëre ki kwäyu, eni nyïïkwaacge ajiere, ni ö eni ki dëëre ni käl uuni wøk ki dï Ijep ki køør teek mare.

2 Timöthi 1:5

Naa lääŋŋa ŋäädhe marï na näk adïëri, ni beeye ŋäädhe mana kwøŋ en cwïny waŋu ma Lööi ki meru ma Yuni, ni ŋääa ni ena cwïnyï kawaane.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Jøcua 8:35

'Ba bäŋ luubö aciel mo odööŋ røk ciik moa cem Modhe ni kär kwaan Jøcua nyïm acooŋa mar jø Icriel bäre ki mään ko obwöre moa thenh thenh ki juurre moa path na bëëdö dïge.

1 Piter 2:2

Ni tïmu kaamar obwöre mo marr, nou manynya caak, ni beeye caak mana näk luum Jwøk na näk bäŋ gïn mo raac yie, nou døøŋŋu ki gø ki ri pïëm mana piem uuni ki gø,

Mana Nyooth 14:5

Ni bäŋ tööt mo ojoodø dhøkge, kiper bäŋ gïn mo jøøŋŋi dëëtge.

1 Camiel 1:11

Kanyøgønø, ena kööŋ jï Wuuö Jwøk ni kööe, «Wui Wuuö Jwøk, ï na wïth jammi bëët, ni näk mo caannø mara raŋï raŋø møn, a na laŋŋø marï, ni lääŋŋï aani, ni ba wïl wïïï ki aani, a na laŋŋø marï, ni cïpï jïra ki nyilaal ma dïcwøø, aani nyilaal maneca puta ka cïp jïrï, ï na Wuuö Jwøk, këël yïth nïr kwøw moe bëët moo beede; 'ba wïïe bäŋ doo lielø na bäre.»

1 Camiel 1:22

'Ba Anna keere kär aay, kiper acaane jï cwøre ni kööe, ni «Aani, a ba ci kunece këël mano män nyilaal ki caak. 'Ba kanyo mäni ki caak nø, eno käla ni kïtha gø nyïm Wuuö Jwøk nee put bëëtö kaace na bäre.»