Maak 10:1 - Wëël Jwøk

¹ Køøre Jecu atïŋŋö kaace ni ci yïth mïëc Judia løø Naam Jördan løøga, ni ö lwaae ni cäŋge rege cooŋ buute. Ni cäŋ ge pwönynyö keda man wø bëëde cøøn.

Maak 10:1 Iomraidhean Croise

Luup Dïpööy 12:9

Dïpööy kär ŋuudö ki man bëëde ni leerra wïïe keere, 'ba eni, jiy apwönynye thuwø ki luup leec wïc, ni cäde ni määnye ni jiiŋ pwöc leec wïc mo thööth.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Mathiew 26:55

'Ba kar kaagø Jecu aköö jï lwaak, na «?Aŋø, u ööa baŋa kaawat man wø ci baŋ kuu, nou käära opëëlle ka athøre kiper naa magu? Aani, a wø bëëdö yi kal mar Øt Jwøk Mana Dwøŋ naa pöö cooth, 'ba a käru maa.

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Maak 1:21

Kanyøgø gena ci yi Kapernaam. 'Ba na tïme na cäŋ jwömö Jecu aput ci øt acooŋ lam, ni pööe.

Maak 10:2

Ni ö jø Paricithi baŋ Jecu ni pëënyge gø ni ge päänynya gø, ni köge, ni «?Beeye gïn mo beer jï dhaanhø ki man kwier cïïe?»

Maak 12:35

'Ba kanya pöö Jecu yi kal mar Øt Jwøk Mana Dwøŋ, ena köö, ni «?Dïpööye mo ciik Jwøk kany wø köge, ni ‹Krictø beeye O Deebit,› tiere aŋø?

Maak 14:49

Aani, cooth a wø bëëdö ka uuni naa pöö yi kal mar Øt Jwøk Mana Dwøŋ, ni käru a maa. 'Ba gïïögø tägi kaper nee weet Jwøk thurge karge.»

Maak 2:13

'Ba Jecu acäŋ aa wøk bäät Puul Galili. Ni ö lwaaki bäre ni cooŋge rege buute, ni pwöny geni.

Maak 4:2

Ni pwöny geni ki jammi mo thööth ki ri leere. 'Ba na pööe, ena köö jïge,

Maak 6:2

'Ba na tïme na cäŋ jwömö ena tägö ki pwöc yi øt acooŋ lam. 'Ba jøøa thööth na wïny pwöc mare, yïthge athäŋŋö, ni köge, ni «?Nyeni gïï ni thööth ii, ee joodø kaa? ?A teeŋ leec wïc mo nyïëdi na wëëk eni? ?A teeŋ tïïe mo nyïëdi mo døøŋŋø na wii cere?

Maak 6:34

'Ba na ïnh Jecu wøk, lwaak mo päl ajoode, ni päth cwïnye ki gïrge, kiper na tïmge ni ge caala dïëk mo bäŋ dïkwääy jïge. Ni täge ki man pwöny geni ki luup mo thööth.

Maak 6:6

Ni rëëm yie kiper mana kärge jïëy. Ni caath dï mïëri ni pöö.

Jøøn 10:40

'Ba ena cäŋ ŋut løø Naam Jördan kanya kwøŋ Jøønni löö yie na nyuudhi, ni put bëëte kaace.

Jøøn 11:7

'Ba køør manøgøøni, ena köö jï bääge, ni «Beerra man døø Judia.»

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.