Maak 1:8 - Wëël Jwøk

⁸ Aani, dëëtu lwøa ka pïï na nyuudhi, 'ba eni dëëtu olwøe na nyuudhi ki Jwïëc Jwøk na en kur keere.»

Maak 1:8 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Maak 1:7

Ni køp gø, ni «Køøra da dhaanhø mo öö mo dwøŋŋa eni ki aani, ni këël thøøth waye ba doo mïërö jïra ki man pïïa piny ni päda ge wøk tiete.

Maak 1:9

'Ba ki yïth nïrögøøni, Jecu aöö ki yi Nadhareth yi ŋööm Galili, ni lwøgi ya Jøønni na nyuudhi yi Naam Jördan.

Luk 3:16

Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Jøøn 1:26

Ni ö Jøønni ni løk gø jïge, ni «Aani, a löö ka pïï na nyuudhi, 'ba dïïu da dhaanhø mo nutö mo kuyu,

Jøøn 1:33

'Ba aani ki dëëra eni kuua. 'Ba eni na jääŋ aani kuna lööa ki pïï na nyuudhi beeye na caan gø jïra, ni ‹Ŋato jootï Jwïëc Jwøk ni öö ni pïïa bääte ni bëëde, beeye ŋato löö ki Jwïëc Jwøk na en kur keere.›

Moa Tïïc Nyïïatwieli 1:5

kiper Jøøn alöö ki pïï na nyuudhi, 'ba ki køør nïne mo nøk uuno lwøk ki Jwïëc Jwøk na en kur keere.»

Moa Tïïc Nyïïatwieli 10:45

Ni ö jøøa näk ojïëy dï jøøa näk odaŋø na öö ki Piter na aciel, ni thäŋ yïthge kiper na wëëk Jwïëc Jwøk na en kur keere juurre thuwø.

Moa Tïïc Nyïïatwieli 2:17

«ni ‹Jwøk aköö ni ki yïth nïne moo näk aŋuudi, Jwïëya okïtha bäät jiy bëët. Ni ö wäätu ki nyïïu ni køpge dwøra, ni ö wøpe mou ni neenge jammi moo en yi nyïm mo wø nyooth ki yi wïc, ni ö jäle mou ni läkge ki lääk.

Moa Tïïc Nyïïatwieli 2:4

Ni pääŋ dëëtge bëët ki Jwïëc Jwøk na en kur keere, ni täkge ki cäänö ki dhøgi møøk, kaa mana ö Jwïëc Jwøki na en kur keere na wëëk ge cäänö.

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.