Maak 1:32 - Wëël Jwøk

³² 'Ba na näk abøønynyøgø na päth cäŋŋi, jøøa tuu bëët ki jøøa dëëtge da anäge akälge baŋ Jecu.

Maak 1:32 Iomraidhean Croise

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Mathiew 8:16

'Ba na tïme na abøønynyøgø, jiy mo thööth mo dëëtge da anäge akäl baŋe. Ni ö Jecu ni riem juu wøk dëëtge ki dwøre keere, ni køny jøøa tuu bëët.

Mathiew 8:17

Ni manøgøøni tïïc kaper nee gïna caan nyikuŋ Jwøki ma Aydheea thur kare, na køp, ni «Ŋwiili 'moø alwøre ni käär täwe moø.»

Maak 1:21

Kanyøgø gena ci yi Kapernaam. 'Ba na tïme na cäŋ jwömö Jecu aput ci øt acooŋ lam, ni pööe.

Maak 1:31

Ni ööe ni mak cer gø, ni tïŋ gø maal, ni puti ya adïrïgi wec. Ni ö nyijøøgø ni tïny geni.

Maak 3:2

Ni ö jiyi ni neetge gø, nee jootge ki man näk mo eni ŋatøgø kønye kønyø ki cäŋ jwömö, nee jïtge ki luubö mo kïthge bääte.

Luk 4:40

'Ba kanya tïme ni cäŋ pätha piny, jiy akännö ki jiy mo tuu ki täwe ma teeŋi baŋ Jecu. Ni kïth ceŋŋe bäätge bëët, ni dwøk dëëtge kare.

Luk 4:41

Ni ö anäge thuwø ni öge wøk dëët jiy mo thööth ni ge rëëdö, ni «Ïïni, ïïna O Jwøk.» 'Ba gena jooe ni ba wëëk ge cäänö, kiper ŋäcge ni beeye eni na Krictø.