Luk 9:54 - Wëël Jwøk

⁵⁴ 'Ba kanya ö Jeemeth ki Jøøn na näk bääge, na jootge gïnögø, gena köö jïgø, ni «?Kwäärö, ï manynya waani man cwötwa ki maac ki maal nee wïthge dïtge bëët?»

Luk 9:54 Iomraidhean Croise

2 Camiel 16:9

Kanyøgønø, Abicay o Dheruya aköö jï nyeya, na «?Aŋø, nyen caal gwök mo othøw en jany ï aperŋø? Wëëk a naa cøøa baŋe kaace, nee wïïe ŋula wøk.»

2 Camiel 21:2

'Ba jø Gibien ge paa jø Icriel; gena jø Amör moa no odööŋ ni kwøw. 'Ba kar kaace, jø Icriel geno tudö ki luubö ki jø Gibien nee jø Gibien ba 'näkge. 'Ba Cøøl apääre ki man dïïr wïthge ki køør këëny mana en cwïnye ki geni, ni ge näänne jø Icriel ki jø tuuŋ Juuda.

2 Nyeye 1:9

Kanyøgø kwääy jø leny ma pïërabïïc ki jiye moa näk pïërabïïc aput nyeya jääŋŋö baŋ Ilaaja. Køøre kwääc jø leny manøgø aci baŋ Ilaaja, ni Ilaaja opï piny bäät thuur; ni kööe jï Ilaaja, «Wui, nyikuŋ Jwøk, nyeya aköö ni ööï.»

2 Nyeye 10:16

Ni kö Jiyu, ni «Øøni ø aay na aciel nee gïno tïïa ki cwïnya bäre kiper Wuuö Jwøk nee neenï.» Køøre ena put aay ki eni na aciel ki yi jääy mare man wø tut okweenynyi.

2 Nyeye 10:31

'Ba Jiyu wïïe käre koorø døc ki man cäädhe ki cwïnye bäre køør ciik mo Wuuö Jwøk Jwø Icriel; eni raay moa tïïc Jeröbämmi na wëëk jø Icriel tïïc ki raay, käre wiiø.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Maak 3:17

ki Jeemeth o Dhebedi, ki coki ma Jøøn, ni beege jøøa caae ni Böönerjith, na näk tiere beeye wäät määc køth,

Luk 9:55

'Ba ena luk baŋge, ni jook geni.

Mana Nyooth 13:13

Ni eni wø tïïö ki ŋïïce mo døøŋŋø døc, mo këëlla maac wëëge ööny piny ki maal ni nëënö jï jiy.

Mana Nyooth 13:3

'Ba Läänögø wïïe aciel nëëni kede da ŋwellø mo cööpa ri thøø. 'Ba ŋwelle na doo cööp ri thøø ocaŋŋø, ni ö jø bäät pinynyi bëët ni caathge køør Läänögø, ni yïthge orëëm.