Luk 9:12 - Wëël Jwøk

¹² 'Ba kanyøgø cäŋ atïmö ni thiinh. Ni ö bääge baŋe, ge na näk apaar kurriiø, ni köge jïre, ni «Wëëk lwaaøgø wääth, nee cige yïth mïëri ki mïëyø thenh thenh ni en ŋää paac yøø, nee butge yïthge, nee jïtge ki caammi. Kiper ø ena paap.»

Luk 9:12 Iomraidhean Croise

Edhikiel 34:25

« ‹Aani, a tudö ki luum bëët mëër ki jø Icriel, ni ö lääc paapi moa no owär ni riema ge wøk yi ŋöömö, ni öge, ge na dïëk 'moa, ni wëëga geni bëëtö dï paap ni buutge yi lul jaak ni bäŋ gïn lääŋge.

Odheea 13:5

Aana bëëdö nou yaa gwøø kanya enu dï paap, yi ŋöömma no otal.

Mathiew 14:13

'Ba kanya ö Jecu na wïny gïnögø, ree adaae kaace, ni aay ka jääy, ni ci kany mo bäŋ paac yie. 'Ba kanya wïnynyi ya jiyi, jiy mo thööth aöö ki tiet mïëri, ni läpge køøre ki tietge.

Mathiew 15:23

'Ba Jecu bäŋ luubö mo ee dwøgø jïgø. Ni ö bääge ni kwacge eni, ni köge, ni «Riem nyijøøgø, kiper ena tïmö ni jwöŋö køørø.»

Mathiew 15:32

Kanyøgø Jecu bääge acwöl baŋe, ni kööe, ni «Cwïnya apädhö ki gïr lwaaøgø, kiper nïne adäk ennø ni ge bëëdö ka aani, ni bäŋ gïn mo camge. 'Ba aani yia ba met ki man wëëga ge wääth ki käc. Kanymør ge bup waŋjöö.»

Luk 9:11

'Ba na wïnynyi ya lwaae, gena läp køøre. Ni pänh geni, ni caan luum buc Jwøk jïge, ni køny jø täwe moa many køny.

Luk 9:13

'Ba Jecu aköö jïge, ni «Mooyu geni ki gïn camge.» Ni köge, ni «Jïwa da muunni abïïc ki rec ariiø keerge, 'ba tiirra man ciwa, nee wa ŋëëwa ki caammi jï jøøgø bëët.»

Jøøn 6:1

'Ba køør manøgøøni, Jecu aci løø Puul Galili, ni beeye Puul Taybiria.

Pilipay 1:19

kiper ŋääa ki cwïnya ni cuŋ gïn en otïmö ni beeye pïëm man piem aani ki gø, ki køør laam mou, ki køny mar Jwïëc Jecu Krictø.