Luk 8:32 - Wëël Jwøk

³² 'Ba kanyøgø da pïïth othur mo päl mo cämö nyäär thuur. Ni kwacge Jecu nee ge wëëk ciin dëët othuri. Ni wëëk ge wääth.

Luk 8:32 Iomraidhean Croise

1 Nyeye 22:22

'Ba Wuuö Jwøk aköö jïre, ni ‹?Wïïe omaaŋŋï gø nidïï?› Ni kööe, ni ‹Aani a cøø ni tïma ni aana dïcuuy ki dhøk nyïïkuk Jwøk moe bëët.› Køøre Wuuö Jwøk aköö, ni ‹Ba dhäthi jïrï ki man maaŋŋï wïïe. Ciï ni tïïyï gø.›

Jööp 1:10

?Aŋø, paa kiper na bëëde ni eni, ki jø paare, ki jap paare bëët iï koorø jïre? Japa tïïe ki cere bëët iï gwïëdhö jïre, ni put pïïth lääc paaci moe nyaay yi ŋööm paac bäre.

Jööp 1:12

Køøre Wuuö Jwøk aköö jï Ceethan, «Wøp nø, jammi moe bëët ena cerï, 'ba kär dee gïn gutï ri dëëre.» Ni ö Ceethan ni aae nyïm Wuuö Jwøk.

Jööp 2:6

Køøre Wuuö Jwøk aköö jï Ceethan, «Wøp, tïïc gïna manynyï jaak dëëre, 'ba jwïëye keere kär gutï.»

Aydheea 65:4

ni wø thöör wäär yïthakic bwör kwör mo ge ba joot yïthge, ni ge wödö ki juu møøk; ni ge wø cämö ki rïŋ othuri, ni yïth dääe moge da cwek rïŋ mo ba waany;

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Ciik Kiper Dïlämme 11:7

Othur thuwø, këël na bëëde no okiey moe okaaø ni rege ege pääŋŋö, eni cam ba ŋöö wøk dhee ni cäŋ gø nyammø, ni eni beeye gïn mo ba waany kiperu.

Mathiew 7:6

«Kär gïno en kur keere na mar Jwøk mëëgu guu, kiper ge cäŋa duu baŋu ni camge uuni. Ni ba leeŋu tiigu moa perge leth nyïm othuri, kiper nyørge nyørø ki tietge.

Luk 8:31

Ni ö anäge ni kwacge Jecu, nee geni ba köömme ki man cige yi buura näk bäye bäŋ cuŋŋe.

Luk 8:33

Kanyøgø anäge aö wøk dëër ŋatøgø, ni cige dëët othuri. Ni ö pïïth othuri, ni dhoothge ya ageella bäär yi naam ni mutge.

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

Mana Nyooth 20:7

'Ba kanyo thum cwiiyøgø na kuma yøø, Ceethan opät øt tööc mana en yie,