Luk 8:15 - Wëël Jwøk

¹⁵ 'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Luk 8:15 Iomraidhean Croise

Pwöc Leec Wïc 3:1

Nyie wääda, kär wïïï wïl ki pwöc 'moa, 'ba beerra man kïthï ciik 'moa cwïnyï;

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Mathiew 24:13

'Ba ŋato jïëny gïïögø këël aŋuunne, opiem.

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Luk 6:45

'Ba ŋata beer wø käla gïn mo beer wøk ki røk japa beyø na en cwïnye. 'Ba ŋata raac wø käla gïn mo raac wøk ki røk japa reyø na en cwïnye. Ni gïï wø thööth ni wø en cwïny dhaanhø beege ni wø caane ki dhee.

Luk 8:14

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

Luk 8:16

«'Ba bäŋ ŋat mo nyep lamba ni cäŋ gø rïëpö ki gïrpiny, wala kïthe tier pëëm, 'ba wø cïbe bäät tharabëëta, kiper nee jø wø dunynyi, nee tar neenge.

Jøøn 14:15

«Ni näk mou mëër ki aani, luupa dou gwøø.

Jøøn 15:10

'Ba ni näk luupa you gwøø, uuno bëëdö ni mëëya ena bäätu, keda mana gwøa luup Wära ni bëët mëëye bääta.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 7:18

Kiper ŋääa ni bäŋ gïn mo beer jïra mo en dëëra. Løny jïra ki man caya gïn mo beer, 'ba ba løny jïra ki man tïïa gø.

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

Wëëlö Mana Göör Pøølli Baŋ Jø Röm 8:25

'Ba ni näk mo ø ŋäätha gïn mo kärø neenø, ø koora gø ni cwïnynyø yøø cïp piny.

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

Epeca 2:8

Kiper beeye met ec na piem uuni ki køør ŋäädhe. Ni manøgø ba tïïc uuni, 'ba beeye muuy mana cïp Jwøki ki met ec,

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Ibaru 2:1

Kiper manøgønø, wär ïthø ciiø døøc ki gïïa wïnynyø, kiper kanymør ø pöödhö ki buutge.

Jeemeth 1:4

'Ba wëëgu tëënnö thur kare, kiper nou thuru karu na bäre bäre, ni bäŋ gïn mo läämö.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.