Luk 8:13 - Wëël Jwøk

¹³ 'Ba moa päth kany mo da kïdi, ge caala jø wø laar jïëy ki met ec kany wø wïnyge luum Jwøk; 'ba jïge bäŋ lweedi, ni ge jïëy ka kany mo thiinh keere. 'Ba kany wø dee päänynyö, ge wø laara døø cään.

Luk 8:13 Iomraidhean Croise

Jööp 19:28

«'Ba ni näk mo u köö, ni ‹?Caannø gø nidïï nø? Kee tier gïna leth na tägö dëëre käla baŋe keere,›

Pwöc Leec Wïc 12:12

Ŋat raay cwïnye wø ena køør jap wø twier jø raayi, 'ba ŋata mare beer tiere wø këëta piny ni jïte ki nyïëdi.

Pwöc Leec Wïc 12:3

Rääö, kar dhaanhø ba tïïe ni teek, 'ba ŋata mare beer tiere ba cööt wøk.

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Edhikiel 33:32

'Ba ki baŋge, ï caala ŋat mo dwøre met, mo wär ki duut mëër, ni thoom pwöde pwödö ni tøøte tøøtø; kiper luup moï wø wïnyge wïnynyö, 'ba ba kïthge bäät tïïc.

Odheea 6:4

Wuuö Jwøk aköö, «?Wui, jø tuuŋ Ipariem, agïnaŋø noo tïïa ki uuni nø? Wui, jø tuuŋ Juuda, agïnaŋø noo tïïa ki uuni nø? Kiper mëër maru caala pøøl mo amöölla, ni caala thööy ni wø laar rwäänyö.

Maak 6:20

Kiper Eerat lwäär ki Jøøn, ni ŋääe ni Jøøn a dhaanhø mo beer, ni ena dhaanh Jwøk mo ena kur keere, ni bëët Eerati ni gwøga gø. 'Ba kanya wara wïny luum Jøøn, wïïe wø wïïrö, 'ba yie wø poot met thuwø ki man wïny gø.

Luk 8:12

'Ba moa päth thääŋ jöö caala jiy mo wø wïny luum Jwøk; 'ba anägö öö, ni käl luubö wøk cwïnyge, kiper nee ge ba jïëcge ni ŋääthge, nee ge piem.

Luk 8:14

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

Jøøn 15:2

'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Jøøn 15:6

Ni näk dhaanhø ba bëëdö dëëra, eni weta wøk keda bat jaath, ni tale. 'Ba teeŋ bäät jenni moøgø ocooŋ kanya ciel ni leeŋi maac ni waaŋ ge.

Jøøn 5:35

Jøøn na bëëde caala lamba mo onyebø ni liel, ni yïthu met ki man bëëdu yi taye dïciel.

1 Körin 13:2

'Ba ni näk mo jïra da muuy mar køp dwør Jwøk, ni gïïa näk tietge okwøŋ kan bëët yaa kwanyø, ni jammi bëët ŋääa, ni jïra da ŋäädhe mo päl døc mo løny ki man daaa kïte ki gø, 'ba jïra bäŋ mëër, bäŋ gïn duua.

1 Körin 15:2

ni beeye mana piem uuni ki køøre, ni näk mo you maa ni teek. 'Ba ni näk ba magu ni teek, ŋäädhe maru tïmö ni bäŋ tiere.

Galeecia 3:1

Wui, u na jø Galeecia ni bäŋ wïdhi en! ?Aŋa na maaŋ wïthu, u na Jecu Krictø anyooth nyïmmu bëët ni eno gur bäät jaadha no odëëdö?

Galeecia 3:4

?Aŋø, gïïa thööth na kwøŋu jwør, jwørru ka jaak? Ki jïra, ni bäŋ dou jwørø jaak.

Epeca 3:17

nee Krictø bëëde cwïnynyu ki køør ŋäädhe, nou cuŋŋu nou teek ri mëër,

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 2:7

Ni put tietu këët piny, ni tëënnu ki ree, ni ŋäädhe maru you maa, kaawat mana pwöny uuni, ni put pwøci bëëtö dhøgu cooth.

1 Thecalönika 3:5

Kiper manøgønø, na tïm cwïnya ni ba maara mak këët, aana jääk baŋu, kiper bëët ŋäädhe maru nee wïnynya, kiper na lwäya ni kanymør ŋat wø pääny jiy, u ee päänynyö, ni tïm öölö marwa no oaay jaak.

1 Timöthi 1:19

niï ŋäya ŋäädhe, ni putï bëëtö ki bëëtö ma adïëri. Kiper da jø møøk mo ŋäädhe marge ege nø raanynyø, ni tïïcge gø kaamar thääŋ jääy mo oränynyö, kiper mana kwierge luup moa näk adïëri na ŋäcge ki cwïnyge.

Ibaru 10:39

'Ba ø ba en dï jø wø kwal dëëtge ni raanynyi, 'ba ø ena dï jø wø jïge da ŋäädhe, ni gwøga jwïëcge.

Jeemeth 2:26

Kiper manøgønø, ŋäädhe ni näk bäŋ tïïe ree, caala gïn mo othøw, kaawat man bëët dëëlli en, ni näk mo jwïëy tøør ree, othøw.

2 Piter 2:20

'Ba ni näk wïthge ocäŋ maaŋŋø ni bööt geni, køør mana bøthge ki japa doo raany geni piny, ki køør ŋäc mana ŋäcge Kwääyø na näk Pïëmi ma Jecu Krictø, bëëtö mana en cään atïmö ni raaca eni døc ki bëëtö mana dïkwøŋ.

2 Piter 2:22

'Ba gïnögø atägö dëëtge keda man wø ŋaadi na adïëri, ni «Gwök wø cäŋa døø baŋ ŋwøge, no othur wø lööŋŋa jaak, ni cäŋa døø yo onøt.»

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.