Luk 7:8 - Wëël Jwøk

⁸ Kiper aani, aana dhaanhø mo bëënna teek ŋat mør, ni jïra da jø tøŋ mo ena cera, maa doo köö ka aciel, ni ‹Ciï,› ni dee cøø. Ni kööa jï mør, ni ‹Ööï,› ni dee öö. Ni daa laŋŋa cäännö, ni ‹Tïïc gïn,› ni dee gø tïïö.»

Luk 7:8 Iomraidhean Croise

Luk 7:7

Ni beeye tiere na kööa naa patha orømø ki man ööa baŋï. 'Ba cäännï ki luubö keere; køøre, laŋŋø mara dëëre ojöönni.

Luk 7:9

'Ba na ö Jecu na wïny luum ŋatøgø, yie arëëm, ni løø ree baŋ lwaa cäädhö køøre, ni kööe, na «A cäänna uuni, ni këël dï jø Icriel, teeŋ ŋäädhe ma enøgønø poot kära joodø.»

Moa Tïïc Nyïïatwieli 23:17

Ni ö Pøølli ni cwöte ki dhaanhø aciel dëët kwääc dïkuye ma dïpa, ni kööe, ni «Kïth nyilaari baŋ kwääy dïkuye mana dwøŋ, kiper da gïn mo caane caanø jïgø.»

Moa Tïïc Nyïïatwieli 23:23

Kanyøgø kwäärö mana dwøŋ mar jø tøŋ kwääc jø tøŋ ariiø acwøle, ni kööe, ni «Kanyo tïme na caae abïŋween ki wäär, wäru lwötu ki jø tøŋ ma dïpe ariiø, ki jø wø cääthi ki bäät okwëënyi ma pïërabïriiø, ki jiy ma dïpe ariiø mo käära tøøŋi, nee cige këël mano pïïcge Cecaria.

Moa Tïïc Nyïïatwieli 23:26

«Aana Kalødia Licia ni göön baŋï en, ï na kwäärö ma Pilik. «Ï na nyigwaak, a määtha ïïni.

Moa Tïïc Nyïïatwieli 23:31

Kanyøgø jø tøŋ Pøøl akälge ni kïthge gø yi Antipatari ki wäär, kaawat mana caani jïge.

Moa Tïïc Nyïïatwieli 24:23

Køøre ena cïpö ki dwøl jï kwääy lwaa dïkuye ma dïpa, nee Pøøl bëëde yi øt twöc, ni patha twöc mo raac, ni ba män nyïïawääte ki ciin baŋe kiper gïno manynye.

Moa Tïïc Nyïïatwieli 25:26

'Ba aani, jïra bäŋ tier luubö mo beer mo gööra baŋ nyenynya kipere, ni beeye tiere ni käla gø nyïmmu en, ni beeye nyïmï røk, ï na nyeya ma Agaripa en, kiper noo nø pëënynyø gø, naa jïta ki gïn mo gööra.

Köløcia 3:22

U na laaŋe, leŋŋu luup jøø ni bëënnu piny en ki yïth jammi bëët. Ni ba tïïyu kaper man wø neet uuni nou døøya yïth jiy mo met. 'Ba tïïu ni cwïnynyu leer, nou lwäära Wuuö.