Luk 7:47 - Wëël Jwøk

⁴⁷ Kiper manøgønø, a caana gø jïrï, ni raaye ni thööth yøø awec, kiper mëër mare okadhø. 'Ba ŋat wø wëënni ki gïn mo thiinh, mëëye thiinh.»

Luk 7:47 Iomraidhean Croise

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Mikiya 7:19

Ïïni mëër marï wø nyoothï nyoodhø jïwa, ni nyøønï raay mowa piny, ni ö gïïa bacwa bëët ni leeŋï geni yi kut yi naama dwøŋ.

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Luk 7:46

Ïïni, wïïa kärï wïïrö ki maaw, 'ba eni tieta awïïre ki maaw mo ŋwääö ni met.

Luk 7:48

Ni kööe jï dhaaŋŋøgø, ni «Raayï awec.»

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

2 Körin 5:14

Kiper mëëc Krictø wa ee maa, kiper ewa jïëö ni da dhaanhø aciel mo othøw kiper jiy bëët. Kiper manøgønø, jiy bëët athøw.

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 6:24

Met ec bëëde bäät jø wø mëër ki Kwääyø ma Jecu Krictø ki mëër mo ba jøøl.

Pilipay 1:9

'Ba a wø kwaya Jwøk nee mëër maru pälle cooth, ka acaara ki man ŋäyu gïno beer ki gïno raac,

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 3:18

U ni therø, kärø mëër ki dhøgø jaak wala cäänö, 'ba mëërø ki ri tïïe ka adïëri.

1 Jøøn 4:19

Ø mëër kaper na kwøŋ mëër ki øøni.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.