Luk 7:39 - Wëël Jwøk

³⁹ 'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Luk 7:39 Iomraidhean Croise

2 Nyeye 5:20

Gaadhi ŋat tïïc mar nyikuŋ Jwøk ma Ilaaca acätö ni kööe, ni «Ka adïëri møn, kwäärö mara, Neeman nyï Aram awiie jaak ni aae, ni bäŋ gïn mo ee kälö baŋ gø røk gïïa ööe ki ge. Ŋëët Wuuö Jwøk Jwøa kwøw, aani a reŋŋa køøre naa käda baŋe ki gïrpiny.»

Pwöc Leec Wïc 23:7

kiper ena ŋat wø cädö kiper cam man wø lwørï, ni eni wø köö, ni «Cämï ni mädhï,» 'ba ba käl cwïnye.

Aydheea 65:5

ni ge wø köö, ni ‹Bëëdu kur keeru; käru nyänh buutwa, kiper waani, wa waany ni wa ba caal uuni!› Teeŋ jøøgø nø, wëër mara liel dëëtge kaamar maac mo jïye onirwöc ki yïth nïne bëët.

Mathiew 20:16

Køøre Jecu aköö, ni «Kaawat manøgønø, jiy moa kwörge therø opööth maal, ni ö moa kwörge døøŋŋø ni døøge cään.»

Mathiew 21:11

Ni kö lwaaki, ni «Man beeye nyikuŋ Jwøk ma Jecu nyï Nadhareth na en Galili.»

Maak 7:21

Ni beeye yi cwïny dhaanhø ni wø ö acaac raay ki yie, teeŋ ka käp, ki käw, ki 'näk, ki luk,

Luk 12:17

Ni pëëny dëëre keere, na ‹?Agïnaŋø noo tïïa? Kiper bäŋ kany kïtha beega yie.›

Luk 15:2

'Ba jø Paricith ki dïpööye mo ciik Jwøk gena ŋurö, ni köge, ni «Nyeni jïëy ki jø raay ni cämö ki ge.»

Luk 16:3

Ni ö kwääy tïïögø ni pëëny dëëre keere, na ‹?Agïnaŋø noo tïïa nø, ni ö kwääya ni käl tïï kwär wøk cera? Kiper a jääk ki puur, ni wïïa laay ki kwac.

Luk 18:4

«'Ba ena kwøŋ kweeyø. Na näk køøre cään, dëëre acäänne keere, ni kööe, ni ‹Këël na ba lwäära ki Jwøk, ni bäŋ luum dhaanhø mør mo ŋääa,

Luk 3:8

'Ba bëëdu ki bëëtö man wø rømi ki løk cwïny, ni ba tägu ki man cäänu ki cwïnynyu, nou köö, ni ‹Eeberam beeye na kwarwa.› Kiper a cäänna uuni, ni Jwøk jïre da teek ki man jïte ki jiy jï Eeberam røk kïte moi ii.

Luk 7:16

Ni put lwärri öö bäätge bëët, ni jiemge Jwøk, ni köge, ni «Nyikuŋ Jwøk mo dwøŋ athïïŋ dïïø, ni Jwøk lïïma jiye.»

Luk 7:37

'Ba kanyøgø da dhaagø mo bëëdö päänyögø, ma ŋat raay. 'Ba na wïny gø ni Jecu cämö yi øt ŋat Paricith manøgø, ena kännö ki wïl maaw mo ŋwääö ni met,

Luk 7:38

ni cuŋŋe ŋää gø kany mo cään ni jwöŋö, ni tïm pï nyeŋŋe ni cwïëra bäät tiet Jecu, ni pooc gø ki jïëye, ni nuum tiet gø, ni wïïr ge ki maarøgø.

Luk 7:40

'Ba aløk Jecu ni kööe jïgø, «Nyie Cayman, da gïn mo caana caanø jïrï.» Ni løk gø, ni «Caanï nø, dïpööy.»

Jøøn 4:19

'Ba dhaagø aköö jïre, «Kwäärö, ajooda ni ïïna nyikuŋ Jwøk.

Jøøn 7:12

'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.»

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»