Luk 7:13 - Wëël Jwøk

¹³ 'Ba na ö Kwäärö na joot nyijøøgø, cwïnye apädhö ki gïr gø, ni kööe jïgø, «Kärï jwöŋö.»

Luk 7:13 Iomraidhean Croise

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Maak 8:2

ni «Aani cwïnya apädhö ki gïr lwaaøgø, kiper nïne adäk ennø ni ge bëëdö ka aani, ni bäŋ gïn mo camge.

Luk 10:1

'Ba køør manøgø Kwäärö ajëëdö ki jiy ma pïërabïriiø møøk, ni jääŋ geni nyïme no oriewi oriewi, yïth mïëri ki kwöra dee ci yïthge bëët.

Luk 11:1

Dïcäŋ aciel Jecu alämö kanymør. 'Ba kanya lønye ki lam, bääŋe aciel aköö jïgø, ni «Kwäärö, pwöny wa ki lam, kaamar Jøøn na pwöny bääge.»

Luk 11:39

'Ba Kwäärö aköö jïgø, ni «U na jø Paricith, u wø peny ŋää awal ki ŋää athaa, 'ba yïthu päŋ ki møt ki raay.

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Luk 13:15

'Ba adwøk Kwäärö jïgø, ni «?U na jø atade, aŋø, da dhaanhø dïïu mo dhere wala arëëne bäŋ wø gøønye ki cäŋ jwömö ni køøl gø baŋ maath pïï?

Luk 17:5

'Ba kanyøgø nyïïatwieli aköö jï Kwäärö, ni «Meet ŋäädhe marwa.»

Luk 17:6

'Ba Kwäärö aköö, no «Doo na jïïu da ŋäädhe mo caala nyi waŋ kunhnhö mo thiinh døc, doo maar lønyø jïïu ki man köömmu jaadhi en, ni ‹Puth riï wøk kany, ni piidhï riï yi naama dwøŋ,› ni dee luummu leŋø.

Luk 18:6

Kanyøgønø, Kwäärö aköö, na «?Aŋø, gïna caan kwääy løøki mana raac, käru wïnynyö?

Luk 19:8

Køøre Dhekiya aö maal ni cuŋŋe, ni kööe jï Kwäärö, ni «Kwäärö, neenï, thäŋ jammi 'moa mëëga jøøa can. Ni näk da ŋat mo yaa mødø ki gïrpiny, dwøga dwøgø jïre na aŋween.»

Luk 22:61

Ni ö Kwäärö ni løk ree ni lwiith Piter. Ni ö Piterri ni put wïïe par ki luumma caan Kwäärö, na kööe jïgø, ni «Dïcäŋi ni gwienø poot kär köök, riï mooŋï mooŋø ki aani ki kwöre adäk naa kuyï.»

Luk 24:3

'Ba na cige yie, dëër Kwäärö ma Jecu kärge joodø.

Luk 24:34

Ni köge, ni «Kwäärö aduu wøk ki yi thøø møn, ni nyuth dëëre Cayman.»

Luk 7:12

'Ba na tïm kare ni cään ki dhi kiir paanøgø, da dhaanhø mo othøw mo di käärö, ni kïtha wøk, 'ba beeye wäädö keere jï menni. Ni nyijøøgø beeye cï thøø. 'Ba lwaak mo päl mo käla dï paac ena buute.

Luk 7:14

Ni ci nyïm ni gut pëëm, ni ö jøøa tïëdö ni cuŋge. Ni kööe, «Nyie, dïcwøø, a cäänna ïïni, ö maal.»

Luk 7:19

Ni ö Jøønni ni cwøl bääge ariiø baŋe, ni jääŋ geni baŋ Kwäärö ki man pëënyge gø, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Luk 8:52

'Ba kaagø jiy bëët ge jwöŋö ni ge göö ko oduuru kipere. 'Ba Jecu aköö, ni «Käru jwöŋö, kiper eni kär thøw, 'ba mare niine.»

Jøøn 11:2

'Ba Meeri manøgø beeye Meeri mana wïïr Kwäärö ki maaw ni pooc tiet gø ki jïëye, ni beeye coki ma Ladhara na tuu.

Jøøn 11:3

'Ba kanyøgøøni nyïïmii Ladhara na tuu gena jääk baŋ Jecu, ni ge caana gø, ni «Kwäärö, ŋata mëërï ki gø tuu.»

Jøøn 20:13

Ni köge jïre, ni «?Nyijøøe, agïnaŋø ni jwøgï?» Ni løgi ya dhaaŋŋøgø jïge, na «A jwöŋi kaper dëër Kwääya na kälge, ni kanya kïthge gø yie kuua.»

Jøøn 20:15

Ni kö Jecu jïre, «?Nyijøøe, agïnaŋø ni jwøgï? ?Aŋa ni cayï?» 'Ba kaa mana näk ee gø caarø ni beeye wää pwöthögøøni, ena köö jïgø, ni «Kwäärö, nee käla ïïni, caan kanya kïthï gø yie jïra, nee käla.»

Jøøn 4:1

'Ba kanyøgøøni awïny jø Paricithi, ni Jecu löö na nyuudhi ni tïïya bääŋi mo thööth mo kaala mo Jøøn.

Jøøn 6:23

'Ba da jïëthe mo oöö ki yi Taybiria ni öge kany mo cään ki kanya ö Kwäärö na dwøk met ec jï Jwøk ni camge muunni yie.

1 Körin 7:30

Ni ö jøø ni kïmmi yøø, ni bëëtge kede ge ba kïmmi. Ni ö jøø yïthge met yøø, ni bëëtge kede yïthge ba met. Ni ö jøø ni wø ŋëëö ki jammi yøø, ni bëëtge kede paa moge.

1 Thecalönika 4:13

'Ba nyïïmera, wa ba many man kuyu gïno tägi kiper jøøa thøw, kiper nou ba kïmmu, kaamar jø møga moa näk jïge bäŋ ŋäädhe mar nyïm.

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.