Luk 6:48 - Wëël Jwøk

⁴⁸ Eni caala dhaanhø mo ogëëdö ki øtø, mo tier gø ee koonyø ni thur piny, ni cwää tier gø bäät kïdi. 'Ba na ö jwïëe, pïï akwöt dëër ødøgø, ni käre løny ki man nëëk gø, kiper mana näk mo ogeerø ni teek.

Luk 6:48 Iomraidhean Croise

2 Camiel 22:2

Ni kööe, «Wui Wuuö Jwøk, ïïna teek mara, ni ïïna kar gwøk røk kipera, ni beeye ïïni wø piem aani.

2 Camiel 22:32

?Aŋø, da jwøk mør këët mo caala ïïni, ï na Wuuö Jwøk? ?A da ŋat mo teek mo caala ïïni, ï na Jwøwa?

2 Camiel 22:47

«Wui Wuuö Jwøk, ï nut niï kwøw møn. Pwøc en jïrï, ï na teek mara; beerra man ö nyeŋŋï ni wïnye, ï na Jwøa teek ni wø piem aani.

2 Camiel 22:5

Kiper aana bëëdö ni aano ciel thøø dïër kaamar dhaanhø mo omaa athage dï naam, ni ö ränynyö mo päl ni pïïe bääta kaamar naam mo pänhnhö.

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

Pwöc Leec Wïc 10:25

Kany wø pööth atuunne, ŋata raac ba joot këët, 'ba ŋata beer bëëdö ni tiere okëët piny na bäre bäre.

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Luk 6:47

'Ba ŋato wäro ö baŋa ni wïny luupa, ni tïïc geni, teeŋ ŋatøgø caana caanø jïïu ennø.

Luk 6:49

'Ba ŋat mo owïny luupa ni ba tïïc geni, caala ŋat mo øtø ee geer dï ŋøøm jaak, ni tier gø käre koonyø, ni ö jwïëö ni kwöt dëër gø, ni laar pädhö. Ni räny ødøgøøni okadhø døc.»

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Epeca 2:20

Ni uuna øtø mo ogeer bäät nyïïatwieli ki nyïïkuk Jwøk, ni ö Krictø Jecu ki dëëre ni näk kïn gøøt mana mak dëër ødøgø,

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.

Tiet Ciik 32:31

Ka adïëri møn, jwø nyïïmän ba caal Jwøk marø na teek; këël nyïïmän 'moø ki dëëtge gïnögø ŋäcge.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.

1 Camiel 2:2

Bäŋ ŋat mo bëëtö mare ena kur keere mo caala ïïni, ï na Wuuö Jwøk, ka adïëri møn, bäŋ jwøk mør mo caala ïïni këët, ni bäŋ jwøk mo teek mo caala ïïni, ï na Jwøwa.