Luk 6:39 - Wëël Jwøk

³⁹ 'Ba luubö mør acäŋ caannø jïge kaamar leer, ni kööe, ni «?Ŋat ma cwør, cwør mør a dee gø pieyø nidïï? ?Aŋø, ge ba päth yi buur karge riet?

Luk 6:39 Iomraidhean Croise

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 9:16

Kiper dïbwöthe mo jøøi, jiy atïïcge nee gaage wøk, ni ö jiyi moa bwøth ni ränyge.

Jeremaya 6:15

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.» Luummögø caana Wuuö Jwøki.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Mathiew 13:3

Ni caan luup mo thööth jïge na leere, ni kööe, ni «Neennu, da dïpïïdhi mo oaa wøk kuna pïïthe ni mare jør.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Wëëlö Mana Göör Pøølli Baŋ Jø Röm 2:19

ni ŋäyï døøc ni ïïna dïpeec cööye, na tar kiper jø wø en yi muudhö,

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.