Luk 6:25 - Wëël Jwøk

²⁵ Otïmö ni raac jïïu, u no ojäŋ ennø, kiper uuno 'näk käci. Otïmö ni raac jïïu, u ni ŋïëri ennø, kiper uuno kïmmi ni jwöŋu.

Luk 6:25 Iomraidhean Croise

Pwöc Leec Wïc 14:13

Dhaanhø løny ki man bëëde ni ŋeethø jaak, 'ba cwïnye løny ki man bëëde no opädhö, ni ö aŋuun met eci mare ni näk kïmmö.

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Luup Dïpööy 2:2

Ni kööa, ni «Ŋeethø beeye gïr bøølø jaak; ni met ec, ?agïnaŋø noo duue?»

Luup Dïpööy 7:3

Beerra pänh cwïny ni kaala ŋeethø, kiper kany wø bëët dhaanhø ni täärnyïme cøl ki køør kïmmö mare, løny ki man jïte ka acaara mo beer ki yi cwïnye.

Luup Dïpööy 7:6

Kiper ŋeethø mar ŋat mo wïïe bäŋ acaara, caala dööt moonni mo liel tier dak, ni manøgø thuwø poot na gïn mo bäŋ tiere.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Aydheea 9:20

Gïïa en bäät cwïïcge okälge ni camge ge, 'ba käc marge ba riemme, ni kälge moa en bäät cämge thuwø ni camge ge, ni ba jäŋge. Ni ö ŋati man nø ni døø ro obwöre moe ni cam ge.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

Luk 13:28

'Ba kanyøce, nou jootu Eeberam ki Aydhak ki Jeekap ki nyïïkuk Jwøk bëët ni ge ena buc Jwøk, ni uuni ki dëëtu, uuno cöör wøk, uuno jwöŋi ni möötu lagu.

Luk 6:24

«'Ba otïmö ni raac jïïu, u no okwär ennø, kiper gïï wø mïn yïthu ki ge anø wëëk u.

Luk 6:26

Otïmö ni raac jïïu, kanyo ö jiyi noo pwøcge uuni, kiper manøgø beeye gïna tïïc kwäcge røk nyïïkuk Jwøk moa näk patha adïëri thuwø.

Luk 8:53

Ni ö geni ni ŋeethge bäät gø, kiper na ŋäcge gø ni nyilaal othøw.

Epeca 5:4

Kär dee rääc dhøk dïïu, wala luum lal, wala waac mo reyø, gïï wø ba mïërö. 'Ba mana doo beerra eni beeye dwøk met ec jï Jwøk.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Jeemeth 4:9

Beerra man kïmmu, ni päth cwïnynyu, ni jwöŋu. Døøyu ŋeethø maru pänh cwïny, ni døøyu met ec maru kïmmö.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.

1 Camiel 2:5

Jøøa bëëdö ni jïge da cam mo päl, ge ööl ni määnyge ki tïïe, nee ge jïtge ki caammi; 'ba jøøa bëëdö no onäk käci, ge jäŋ. Këël dhaagø ma bwøc nyöödö ko obwöre abïriiø, 'ba dhaagø mo jïre do obwöre mo thööth cäŋa ööllö.