Luk 6:23 - Wëël Jwøk

²³ «Wär yïthu mïnge dïcäŋöca, ni kanynyu ki met ec, kiper gïno mëëk uuni maal dwøŋ. Kiper manøgø beeye gïna tïïc kwäcge røk nyïïkuk Jwøk thuwø.

Luk 6:23 Iomraidhean Croise

2 Camiel 6:16

'Ba gïna tägö, kanya tïme na acanduk mar Wuuö Jwøk pïï dï Pääny Deebit, Mikal nyi Cøøl, na näk cï Deebit, aräŋŋö ki dha awëërnyeŋ ni joot nyeya ma Deebit ni pärö ni miel nyïm Wuuö Jwøk; ni put nyeya taak ki cwïnye.

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

1 Nyeye 19:10

Ni kö Ilaaja, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 19:14

'Ba Ilaaja aköö, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 19:2

'Ba Jedhebel ajääk baŋ Ilaaja ki dhaanhø ni kööe, ni «Teeŋ kar kany nø diøø, ni näk jwïëy moï kära raanynyø kaamar jwïëc nyïïkuk Baal moa raanynyï, aani, a raany juuwi 'moa raanynyø.»

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

1 Nyeye 22:27

ni kööu, ni ‹Nyeya aköö ni kïthu nyeni øt twöc, ni mooyu eni ki cam mo thiinh ki pïï mo thenh këël kanyo duua ni bäŋ gïn mo otägö dëëra.› »

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

2 Nyeye 6:31

Ni kö nyeya, ni «Ni näk mo wï Ilaaca o Capath kära ŋul wøk dïcäŋi, aani, a raany Jwøki raanynyø.»

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Aydheea 35:6

Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mathiew 5:12

Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

Luk 1:41

'Ba na ö Ilidhabethi na wïny määdhe mar Meeri, nyilaal apäär maal yi gø. Ni ö Ilidhabethi ni pääŋe ki Jwïëc Jwøk na en kur keere.

Luk 1:44

Kiper ennø, kanya wïnynya määdhe marï kiree, nyilaal ni en yia en, aput päär maal ni yie omïnnö.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Moa Tïïc Nyïïatwieli 14:10

ena cäännö ki dwøl mo päl, ni «Ö maal ni cuŋŋï ki tietï!» Ni put päny maal ni cäädhe.

Moa Tïïc Nyïïatwieli 3:8

Ni päär maal ni cuŋŋe ni cäädhe ni døny yi kal mar Øt Jwøk Mana Dwøŋ ki ge, ni cäädhi ni pärö ni jiema Jwøk.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

2 Körin 12:10

Kiper manøgønø, aano jïëy ki jäk ki nyeŋ Krictø, ni aano jïëy ki man wac nyeŋŋa, ni jïëa ki jwør gïï mo leth, ki caannø, ki rïm can. Kiper kany wø jääa, beeye teek mara eni.

Köløcia 1:24

'Ba kawaane, yia amïnnö ki gïïa leth ni wø jwøra kiperu. 'Ba ki dëëra man, a thööra gïïa dööŋ ri moa jwør Krictø kiper dëëre na näk acooŋ Jwøk.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

Ibaru 11:26

Ni ee caarø na abuua mana buui ki gø kiper Krictø beeye kwärö eni mana dwøŋ ki kwär mar Ijep, kiper na neet gïno cïp yi nyïm.

Ibaru 11:6

'Ba ni näk bäŋ ŋäädhe, ba maar lønyø jï dhaanhø ki man døøc yi Jwøk mo met. Kiper ŋat wø nyiik buut Jwøk kany mo cään, wär cwïnye dee ŋäädhe ni Jwøk nutö, ni wø cïpö ki jammi jï jø wø many eni.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

1 Piter 4:13

'Ba yïthu mïnge kaawat man bëëdu nou nywaaga gïïa leth na jwør Krictø, kiper nee yïthu mïnge ni ŋeethu kanyo nyooth ajiem mare.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:26

«'Ba ŋato böödö, ni gwøk tïïe 'moa këël cuŋŋe, omooa ki teek bäät mïëc piny,

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.