Luk 5:32 - Wëël Jwøk

³² Aani, a ba ööi naa cwøla jøøa beyø, 'ba a öönynya jø raay nee cwïnyge løkge.»

Luk 5:32 Iomraidhean Croise

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Maak 15:10

Kiper ajoode ni kwääc laam marge keec na kälge gø.

Maak 15:7

'Ba ki røk jø ageem moa en øt twöc, da nyen mo cwøl ni Baraba, ŋat mo onääö ki jiy ra ageem.

Maak 2:17

'Ba na wïnynyi ya Jecu ena köö jïge, ni «Jø wø dëëtge jööt ba many akïïm, 'ba beege jø wø tuu. A ba ööi naa cwøla jøøa beyø, 'ba a öönynya jø raay.»

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 15:7

'Ba a cäänna uuni, ni da met ec mo päl maal ma enønø kiper ŋat raay aciel mo cwïnye ee løø, ni kaala met ec mana di eci mïnnö kiper jiy ma pïërabïŋween ka abïŋween mo beyø mo bäŋ løk cwïny mo manyge.

Luk 19:10

Kiper Wär Dhaanhø öönynya kuna many jøøa näk orwäänyö nee pieme.»

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Luk 5:31

Ni løgi ya Jecu jïge, ni «Jø wø dëëtge jööt ba many akïïm, 'ba beege jø wø tuu.

Luk 5:33

Ni köge jï Jecu, ni «Bääk Jøøn wø lämö ki lam-wödö cooth, keda man wø tïïc bääk jø Paricith thuwø, 'ba bäägï, ge cämö ni ge mädhö jaak.»

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.