Luk 5:30 - Wëël Jwøk

³⁰ Ni ö jø Paricithi ki dïpööye mo ciik Jwøk moa näk jø Paricith ni ŋurge ki nyeŋ bääge, ni köge, na «?Aŋø ni cämu ni mädhu ki jø ajwäk ki jø raay en?»

Luk 5:30 Iomraidhean Croise

Aydheea 65:5

ni ge wø köö, ni ‹Bëëdu kur keeru; käru nyänh buutwa, kiper waani, wa waany ni wa ba caal uuni!› Teeŋ jøøgø nø, wëër mara liel dëëtge kaamar maac mo jïye onirwöc ki yïth nïne bëët.

Mathiew 5:46

?'Ba ni näk mou mëër ka jø wø mëër ki uuni keerge, agïnaŋø noo duue jïïu? ?Aŋø, këëlla jø ajwäk, ge ba bëëdö ka bëëtö ma enøgønø thuwø?

Mathiew 9:11

'Ba na ö jø Paricithi na neenge gïnögø, gena köö jï bääge, na «?Aŋø ni cäm dïpööyi maru ki jø ajwäk ki jø raay en?»

Maak 2:16

'Ba dïpööye mo ciik Jwøk moa näk jø Paricith na neenge eni, ni eni cämö ka jø raay ki jø ajwäk, gena köö jï bääge, na «?Aŋø ni wø cäme ni mädhe na aciel ki jø ajwäk ki jø raay en?»

Maak 7:3

Kiper jø Paricith ki jø Juuth bëët bäŋ wø cämö ni näk mo ceŋge kärge lwøø ki køør kööŋŋö mar jøøa døøŋŋø.

Maak 9:16

Ni ö Jecu ni pëëny geni, no «?U pïëmu ŋø?»

Luk 18:11

Kanyøgø ŋat Paricith acuŋŋö ni läm dëëre keere na enøgø, ni kööe, ni ‹Jwøk, ïïna pwøa kiper na ba caala jø møga bëët, na näk dïmute, ki jøøa reyø, ki jø lugi, naa ba caal ŋat ajwäk manøgø.

Luk 19:7

'Ba na jooti ya jiyi, gena ŋurö bëët, ni «Ena cøøa nee tïme na wëël dhaanhø ma ŋat raay.»

Luk 5:17

'Ba dïcäŋ aciel dï nïrögø, ni Jecu pöö, da jø Paricith ki dïpööye mo ciik Jwøk mo opï piny kaace, mo ge ööi ka yïth mïëc Galili bëët, ki Judia, ki Jerucalem. 'Ba teek Wuuö Jwøk ena bääte ki man køny jøøa tuu.

Luk 5:21

'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Luk 7:34

'Ba Wär Dhaanhø aöö ni cämö ni mädhö, ni kööu, ni ‹Neennu, ŋat wärö na ŋat maath, na nyawat jø ajwäk ki jø raay.›

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Moa Tïïc Nyïïatwieli 23:9

Kanyøgø dïŋaŋ mo päl atägö yïthakicge. Ni ö dïpööye møøk mo ciik Jwøk dëët jø Paricith ni öge maal ni pïëmge, ni «Bäŋ gïn mo raac mo ewa joodø baŋ nyeni. ?Otïme nidïï ni näk mo eni cäänna jwïëy mør wala nyïïatwiel maal?»