Luk 5:21 - Wëël Jwøk

²¹ 'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Luk 5:21 Iomraidhean Croise

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Daniel 9:19

Wui Kwäärö Wuuö Jwøk, wïny marwa! Wui Kwäärö Wuuö Jwøk, wëën waani! Wui Kwäärö Wuuö Jwøk, cek ïthï ki marwa ni tïïï ki gïrpiny! Wui ï na Jwøk mara, ki køør nyeŋŋï, kärï ruu, kiper pääny marï ki jiy moï cwøla ri nyeŋŋï.»

Daniel 9:9

Ï na Kwäärö Wuuö Jwøk, Jwøk marwa, marï beeye mëër ki wëën jiy, këël na bëëtwa ni wa gëëmö ki ïïni,

Ciik Kiper Dïlämme 24:16

Maya thuwø, ŋat mo pääta aani na Wuuö Jwøk, ka adïëri møn, eni wär put 'näk. Dhaanh Icriel bäre, nyenøgø wär putge këërö ki kïte møn. Nee wëëllö mo path wala ŋat Icriel, ni näk maa ee päädö, eni wär put 'näk.

Mikiya 7:19

Ïïni mëër marï wø nyoothï nyoodhø jïwa, ni nyøønï raay mowa piny, ni ö gïïa bacwa bëët ni leeŋï geni yi kut yi naama dwøŋ.

Mathiew 26:65

Kanyøgø Kwääy Lam Mana Dwøŋ abïïe moe ajeeye, ni kööe, ni «Mare beeye ajaany! ?Aŋø ni poot manynyø lïŋŋe møøk këët en? Ajaany mare anø wïnynyu.

Mathiew 9:3

'Ba jak ma dïpööye mo ciik Jwøk acäänö ki cwïnyge, ni «Nyeni janynya Jwøk.»

Luk 3:8

'Ba bëëdu ki bëëtö man wø rømi ki løk cwïny, ni ba tägu ki man cäänu ki cwïnynyu, nou köö, ni ‹Eeberam beeye na kwarwa.› Kiper a cäänna uuni, ni Jwøk jïre da teek ki man jïte ki jiy jï Eeberam røk kïte moi ii.

Luk 5:17

'Ba dïcäŋ aciel dï nïrögø, ni Jecu pöö, da jø Paricith ki dïpööye mo ciik Jwøk mo opï piny kaace, mo ge ööi ka yïth mïëc Galili bëët, ki Judia, ki Jerucalem. 'Ba teek Wuuö Jwøk ena bääte ki man køny jøøa tuu.

Luk 5:22

'Ba na ŋäyi ya Jecu ni ge cara luupögø ki cwïnyge, aløøe jïge, na «?Aŋø ni cäänu na enø nø ki cwïnynyu en?

Luk 7:49

Kanyøgø jøøa en kar cam ki eni, gena tägö ki man cäänge yïthakicge, ni «?Man a ŋa, ni köö en, ni këël doo naa raay wiie wiiø?»

Jøøn 10:33

'Ba aløk jø Juuthi jïre, ni «Paa per tïïc mo beer noo këërwa ïïni kipere, 'ba beeye per ajaany. Kiper ïïna dhaanhø mo nëëna waani, ni tïïyï riï na Jwøk.»

Wëëlö Mana Göör Pøølli Baŋ Jø Röm 8:33

?Aŋa noo känni ki luubö mo raac bäät jøøa jier Jwøki? Kiper beeye Jwøk wø jïëc dhaanhø ni mare beer.