Luk 5:12 - Wëël Jwøk

¹² 'Ba kanya poode ni Jecu ena yi pääny aciel dï mïëyögø, nyen mør mo dëëre ogääbö bäre ki dhøøbø aöö. 'Ba na joot Jecu, dëëre aleeŋ piny nyïm gø, ni kwac gø, ni «Wui Kwäärö, ni näk ïïno jïëy, dëëra diï dwøga kare.»

Luk 5:12 Iomraidhean Croise

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

1 Nyeye 18:39

'Ba kanya ö jiyi bëët na jootge gø, dëëtge aputge gøø piny, ni köge, ni «Wuuö Jwøk beeye Jwøk møn! Wuuö Jwøk, ena Jwøk møn!»

2 Nyeye 5:1

'Ba Neeman mana bëëdö na kwääy lwaa leny mar nyeny Aram beeye ŋat mo kare dwøŋ døc nyïm nyeya mare, ni eno wøørø døc, kiper beeye eni na ö Wuuö Jwøki na tïïc jø Aram nee kääthge ki køøre; ni eni thuwø beeye ŋat leny mo teek. 'Ba eni dëëre da dhøøbø.

2 Nyeye 5:27

'Ba ennø, dhøøbø mana en dëër Neeman ööa dëërï ni neegän dëërï ki dëët jiy moo käl dëërï na bäre bäre.» Køøre Gaadhi aput aay buut Ilaaca, ni ö dëëre ni put jïtö ki dhøøbø, ni neepwøth ni tar.

2 Nyeye 7:3

'Ba da jak ma aŋween mo dëëtge da dhøøbø mo ge bëëdö dhi kiir; køøre gena cäänö yïthakicge keerge ni köge, ni «?Ø bëënnø ŋø kany? ?Ø koora thøø?

1 Luup Nyeye 21:16

'Ba kanya ö Deebiti na tïŋ wïïe maal ni räŋŋe, nyïïatwiel maal mar Wuuö Jwøk aput joot ni cuŋŋö yïthakic maal ki piny, no opëëllö ee maa ni ee löö bäät Jerucalem. Kanyøgø, Deebit ki jø døøk Icriel, cøŋge aputge këël piny ni kuulge wïthge piny yïth ŋøøm, ni dëëtge ege runynyö ka abïïk keece ni ge nyootha pänh cwïny marge.

Bwøth Wøk 4:6

Ni cäŋ Wuuö Jwøki köö jïgø, ni «Kïth cerï tierjwöthï.» Ni ö Modhe ni kïth cere tierjwöthe, 'ba kanya käl cere wøk, onø jïtö ki täw mo raac, no nipwøth ni tar.

Ciik Kiper Dïlämme 13:16

'Ba ni näk mo rïŋö mana no ocwäny wøk dëëre odøø piny ni neebuuth ni tar, ŋatøgø wär døø baŋ dïlämi.

Ciik Kiper Dïlämme 9:24

Kanyøgø maac aput nituc ki nyïm Wuuö Jwøk ni thöör olämi man wø waaŋ bäre, ki dwäälö bäät gïn wø cïp olämme bääte. 'Ba kanya ö jiyi bëët na jootge gø, gena put kwöŋŋö ki met ec, ni këëlge cøŋge piny ki täärnyïmge.

Mathiew 26:6

'Ba kanya en Jecu yi Bethani po Cayman, ŋata kwøŋ bëëtö ni dëëre da dhøøbø,

Mathiew 9:28

'Ba na døny øtø, jagøgø na cööye yøø aö baŋe. Ni kö Jecu jïge, ni «?You ŋäädhö ni løny jïra ki man tïïa gïnögø?» Ni dwøkge gø jïgø, ni «Yaa, Kwäärö.»

Maak 5:23

Ni kwac gø, ni kööe, «Nyaara mo thiinh ena um thøø. Ööï ni kïthï ceŋŋï bääte, kiper nee dëëre jöönne ni kwøe.»

Luk 17:16

Ni päth tiet Jecu, ni pwøc gø. 'Ba nyenøgø, ena nyï Cameria.

Luk 5:13

Ni ö Jecu ni rwaak cere baŋ gø ni mul gø, ni kööe, ni «Aana jïëy, dëërï døø kare!» Ni ö dhøøbe ni put aay dëër gø.

Tiet Ciik 24:8

«Kany wø näk da ŋat mo dëëre da dhøøbø, rou wär gwøgu døc ki man kïthu luup bëët bäät tïïc mo wø caan dïlämme jïïu, ni beege jø tuuŋ Libay. 'Ba rou dou gwøø møn ki man kïthu luup bëët bäät tïïc moa caana jïge kiper teeŋ täw manøgø.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Jøcua 5:14

Ni kö ŋatøgø, ni «Patha enøgønø. Aani, a ööi ni aana kwääy lwaa leny mar Wuuö Jwøk.» Kanyøgønø, Jøcua cøŋŋe akëël piny ni kuul wïïe piny, ni kööe jïgø, ni «?Kwäärö, agïnaŋø na diï caanø jïra nee tïïa, a na laŋŋø marï?»