Luk 4:41 - Wëël Jwøk

⁴¹ Ni ö anäge thuwø ni öge wøk dëët jiy mo thööth ni ge rëëdö, ni «Ïïni, ïïna O Jwøk.» 'Ba gena jooe ni ba wëëk ge cäänö, kiper ŋäcge ni beeye eni na Krictø.

Luk 4:41 Iomraidhean Croise

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Mathiew 8:16

'Ba na tïme na abøønynyøgø, jiy mo thööth mo dëëtge da anäge akäl baŋe. Ni ö Jecu ni riem juu wøk dëëtge ki dwøre keere, ni køny jøøa tuu bëët.

Mathiew 8:29

Kanyøgø gena put lier døc, na «?Agïnaŋø noo tïïyï ki waani, ï na O Jwøk? ?Aŋø, ï ö kany kiper nee wa caarï ni kanya wäŋŋi poodi?»

Mathiew 8:4

Ni kö Jecu jïgø, ni «Kär dee gïn caanï jï ŋat mør. 'Ba ciï, ni nyoothï dëërï jï dïlämi, ni cïpï ko olämi mana caan Modhe, ni wø näk ŋïï jï jiy.»

Maak 1:25

'Ba ajook Jecu, ni kööe, ni «Lïŋï, ni ööï wøk ree.»

Maak 1:32

'Ba na näk abøønynyøgø na päth cäŋŋi, jøøa tuu bëët ki jøøa dëëtge da anäge akälge baŋ Jecu.

Maak 1:34

Ni ööe ni køny jiy mo thööth moa näk dëëtge da teeŋ ŋwiili mo thööth, ni riem anäge wøk mo thööth. Na anäge käre wëëk cäänö, këël na ŋäcge eni.

Maak 3:11

'Ba kany wø ö jøøa näk dëëtge da juuga reyø wø jootge Jecu, ge wø pätha nyïme, ni ge rëëdö, ni «Bee ïïni na o Jwøk.»

Luk 4:39

Ni gääŋe bäät gø ni jook adïrïgi, ni put adïrïgi aae dëër gø. Ni ö nyijøøgø ni put ö maal ni tïny geni.

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jeemeth 2:19

Ïïno jïëy ni Jwøk aciel. Marï wøp. Këël anäge wø jïëy ni dëëtge miel ki lwär.