Luk 3:9 - Wëël Jwøk

⁹ 'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.»

Luk 3:9 Iomraidhean Croise

Edhikiel 31:18

« ‹?Aŋø, da jaath mar Ëden ma ajiem mare ki dööŋö mare röömi ki marï? 'Ba ïïni, ï na Peerø en, ï kïtha yi bwörö tiet ŋøøm ki jer Ëden na aciel; ni peeth ïïni piny na aciel ki jøøa näk kär daŋø na 'näk ko opëëllö. 'Ba manøgø beeye Peerø ki jiy moe bëët.› Luummögø caana Kwäärö Wuuö Jwøk.»

Daniel 4:14

Ena rëëdö døc ni caan luupi ii: ni ‹Ŋødu jaadhøgø piny, ni ŋøøru bäädi moe; lweerru bøøge moe, ni kethu nyïïe. Beerra man aac lääc paapi tiere, ni ö wenynyi ni aacge bääte.

Daniel 4:23

«Køør manøgø, ï na nyeya, ïïna nëënnö ki nyïïatwiel maal man wø kurö mo ööi ki maal ni kööe, ni ‹Ŋødu jaadhøgø piny ni raanynyu gø; 'ba gutö ki lweedi moe wär wiiu yïth ŋøøm ni you meenø ki nywïënyö ki jwïël yi luum mo nyään yi pwöla, ni bëët dëëre ni thec ki thööy, ni eni nywääö ka lääy na aciel dï pwöla, këël kanyo pööth cwiiri abïriiø bääte.›

Mathiew 3:10

'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.

Mathiew 7:19

'Ba jenni bëët mo wø ba nywøl ki nyïëdi mo beyø, ŋøda piny ni leeŋi maac.

Luk 13:6

Kanyøgø Jecu luummi ni keda leer en aput caan, ni kööe, ni «Da nyen mør mo opïïdhö ko olaam yi pwöth jenni mare. Ni ööe ni caya nyey ri gø, 'ba bäŋgø mo ee joodø.

Luk 13:7

Ni kööm ŋata en pwödhe cere, ni ‹Neenï, cwiiyi na adäk ii, a bëëdö naa cäädhö naa manynya nyey ro olaami en, 'ba bäŋgø mo jooda. Ŋøt piny. ?Aŋø na nyääk piny jaak en?›

Luk 13:9

'Ba noo näk mo nywøl ki nyïëdi cwiino ööi, doo beer. 'Ba ni näk mo ba nywøl, oŋødï piny.› »

Jøøn 15:6

Ni näk dhaanhø ba bëëdö dëëra, eni weta wøk keda bat jaath, ni tale. 'Ba teeŋ bäät jenni moøgø ocooŋ kanya ciel ni leeŋi maac ni waaŋ ge.

Ibaru 10:28

'Ba ŋat mo ciik Modhe ee taaø, eni thøw ni bäŋ køny mo joode, ki køør dööt jiy ariiø wala adäk mo wø caan bääyö mare.

Ibaru 12:29

Kiper Jwøk marø beeye maa wø räänyö.