Luk 3:8 - Wëël Jwøk

⁸ 'Ba bëëdu ki bëëtö man wø rømi ki løk cwïny, ni ba tägu ki man cäänu ki cwïnynyu, nou köö, ni ‹Eeberam beeye na kwarwa.› Kiper a cäänna uuni, ni Jwøk jïre da teek ki man jïte ki jiy jï Eeberam røk kïte moi ii.

Luk 3:8 Iomraidhean Croise

Neemiya 5:11

Ennø, dïcäŋi kiree, uuni, dwøgu pwöth beel moge jïge, ki pwöth omøki moge, ki pwöth jenni moge mo wø nyïïge wel na maaw, ki uudi moge, këël dïm wïth gwel ki dïm wïth beel, ki dïm wï køøŋ nyïïomøki moa nyärö, ki dïm wï maaw ni wø cwøllu bäätge yøø.»

Edhikiel 33:24

«Wär dhaanhø, jiy moø ni bëëdö ŋööm Icriel kwörö no oränynyö yøø, gena köö, ni ‹Eeberam beeye dhaanhø aciel, 'ba eni ŋöömö alwøre. 'Ba øøni, ø thööth; ennø ŋöömö acïp jïïø na marø møn.›

Mathiew 21:43

Kiper manøgø nø, a cäänna uuni, ni buc Jwøk okäl wøk ceŋŋu ni wëëgi jø paac mør mo bëëdö ka bëëtö mo orømø ki bëët buc Jwøk.»

Mathiew 3:8

'Ba ennø, bëëdu ki bëëtö man wø rømi ki løk cwïny,

Mathiew 3:9

ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Luk 13:26

'Ba kanyøgøøni uuno köö, ni ‹Waana cämö ni mäthwa ki ïïni, ni pwönynyï waani dï powa.›

Luk 14:9

'Ba ŋata cwøl uuni öö ni kööm ïïni, ni ‹Wëëk kany nyeni.› Kanyøgønø, wïïï olää noo daaï kar bëëtö jaak.

Luk 19:40

Ni dwøk gø jïge, na «A cäänna uuni, ni näk mo jøøi ii lïŋö, këël kïte moi ii ki dëëtge doo rëëdö.»

Luk 19:9

Ni kö Jecu jïgø, ni «Dïcäŋi paani apiem, kiper ŋati en beeye nyikwaar Eeberam thuwø.

Luk 5:21

'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Jøøn 8:33

Ni løkge gøøni jïre, ni «Waana nyïïkwaac Eeberam, ni wa kär kwøŋ tïmö ni waana laaŋe jï jø møøk. ?Aŋø ni kööï, ni wa doo pädö?»

Jøøn 8:39

Ni løkge gø jï Jecu, ni «Eeberam beeye na wääwa.» Ni kö Jecu jïge, «Onää uuna nyïï Eeberam, u doo tïïya gïïa tïïc Eeberammi.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Wëëlö Mana Göör Pøølli Baŋ Jø Röm 4:16

Beeye tiere na tïm gïnni en no ogöök ri ŋäädhe, kiper nee buuk tïme ni bëënna met yi Jwøk, nee cööp kare na adïëri jï nyïïkwaac Eeberam bëët, ni paa jï jø wø bëën ciik Jwøk keerge, 'ba këël jø wø nywaak ŋäädhe mar Eeberam, kiper ena kwarø bëët,

Wëëlö Mana Göör Pøølli Baŋ Jø Röm 9:7

ni ge patha nyïï Eeberam bëët kiper mana näkge nyïïkwaaye. 'Ba akøp, ni «Aydhak beeye noo cwøl nyeŋ nyïïkwaayï ree.»

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.