Luk 3:16 - Wëël Jwøk

¹⁶ Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Luk 3:16 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Jøøn 1:26

Ni ö Jøønni ni løk gø jïge, ni «Aani, a löö ka pïï na nyuudhi, 'ba dïïu da dhaanhø mo nutö mo kuyu,

Jøøn 1:27

ni beeye eni noo ööi køøra, ŋata näk thøøth waye ba doo mïërö jïra ki man päda ge wøk tiete.»

Jøøn 1:33

'Ba aani ki dëëra eni kuua. 'Ba eni na jääŋ aani kuna lööa ki pïï na nyuudhi beeye na caan gø jïra, ni ‹Ŋato jootï Jwïëc Jwøk ni öö ni pïïa bääte ni bëëde, beeye ŋato löö ki Jwïëc Jwøk na en kur keere.›

Jøøn 7:38

Ŋato jïëy ni ŋääth aani, cwïnye ojïti ki näm mo kwödö ki pï kwøw, kaa mana caani ya wëël Jwøki.»

Moa Tïïc Nyïïatwieli 1:5

kiper Jøøn alöö ki pïï na nyuudhi, 'ba ki køør nïne mo nøk uuno lwøk ki Jwïëc Jwøk na en kur keere.»

Moa Tïïc Nyïïatwieli 10:44

'Ba kanya poot Piterri ni caana luupögø, Jwïëc Jwøk na en kur keere aö bäät jøøa wïny luubö bëët.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.