Luk 3:11 - Wëël Jwøk

¹¹ Ni løk gø jïge, «Ŋato jïre da abïïe ariiø, wär pääŋŋe ki ŋato jïre bäŋgø. Ni ö ŋato jïre da cam, ni mooc ŋato näk jïre bäŋgø thuwø na enønø.»

Luk 3:11 Iomraidhean Croise

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Luk 18:22

'Ba Jecu na wïny gïnögø, aköö jïgø, ni «Gïrpiny aciel poot kärï tïïö. Dwøk gïïo en jïrï bëët pwödhö, ni pääŋŋï gwetge jï jøøa can, ni ööï ni cäädhï køøra. 'Ba ïïno jïti ki jap kwär maal.»

Luk 19:8

Køøre Dhekiya aö maal ni cuŋŋe, ni kööe jï Kwäärö, ni «Kwäärö, neenï, thäŋ jammi 'moa mëëga jøøa can. Ni näk da ŋat mo yaa mødø ki gïrpiny, dwøga dwøgø jïre na aŋween.»

Jøøn 13:29

'Ba jø møøk acädö ni Jecu caana gø jïre, ni «Ci ŋëëwï ki gïï wø manynyi kiper ajwöm cam,» wala caana gø nee ci kuna cïpe ki gïrpiny jï jøøa can, kiper mana näk opïr gwel ena cere, e na Juudac.

Moa Tïïc Nyïïatwieli 10:2

Ena dhaanhø mo cwïnye ena køør Jwøk ni wø wøøra gø ki jø paare bëët, ni eni wø muuö ki jap cane jï jiy, ni eni wø bëëdö ni lama Jwøk cooth.

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

Jeemeth 2:14

?Nyïïmera, agïnaŋø ni beer ni näk mo dhaanhø köö, ni cwïnye da ŋäädhe, 'ba bäŋ tïïe mo tïïe? ?Aŋø, eni maar ŋääthe ka piem?

1 Jøøn 3:17

?'Ba ni näk da ŋat mo jïre da jap piny ni neen coki ni can, ni mec waŋe ki gø, mëëc Jwøk bëëde cwïnye nidïï?

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.