Luk 3:1 - Wëël Jwøk

¹ 'Ba kanya tïm cwiic Taybiria Cidhar na apaar kurbïïc yi kwär, na bëët Pøntia Paylat na kwäärö Judia, ni Galili bëënna Eerat, ni ö mïëya cwøl na Ituria ki Tarakønita na bëën owänni ma Pilip, ni ö paana cwøl na Abilin na bëën Lithania,

Luk 3:1 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Mathiew 14:1

'Ba kar kaaca Eerat na bëën paaci, gïr Jecu awïnynye.

Mathiew 14:3

Kiper dïkwøŋ Eerat Jøøn amaae ni twöc gø, ni kïth gø øt twöc ki køør Eerödia, cï owänni ma Pilip,

Mathiew 14:6

'Ba kanya tïme na cäŋa lwaarø ki Eerat yie, nyi Eerödia amiel nyïm wëëlle, ni døøc yi Eerat mo met.

Mathiew 22:17

Kiper manøgønø, caanï jïwa. ?Agïnaŋø ni caarï? ?Beeye gïn mo beer ki man cïpö ka ajwäk jï Cidhar, wala ba beer?»

Mathiew 27:2

Ni twöcge eni ni bwøthge gø wøk, ni kïthge gø baŋ kwäärö ma Paylat.

Maak 6:17

Kiper Eerat beeye na jääk baŋ Jøøn ni mak gø, ni twöc gø ni kïth gø øt twöc ki køør Eerödia, cï owänni ma Pilip, na nywøm Eerati.

Maak 6:21

'Ba dïcäŋ aciel jöö ree ajabe, kanya ö Eerati na cwøl jaae moe, ki kwääc jø leny moe, ki dïbwöthe mo Galili, baŋ cam cäŋa nywøli yie.

Luk 13:31

'Ba ki nyi kanyøgø kiree, jak møøk ma jø Paricith aöö baŋ Jecu, ni köge jïgø, ni «Laar riï daak kany, kiper Eerat manynya man 'näk ïïni.»

Luk 2:1

'Ba yïth nïrögø da dwøl ma aöö ki baŋ Cidhar Agacta, ni jø mïëri bëët nyeŋge doo göörö.

Luk 23:24

Kanyøgø nø, Paylat acïpö ki dwøl ni mana manyge doo wëëga geni.

Luk 3:19

'Ba Eerat na bëën paaci, kany wø jälli ya Jøønni kiper Eerödia na näk cï owänni, ki raay bëët moa tïïc Eerati,

Luk 9:7

'Ba Eerat na bëën paaci, gïïa tägö bëët awïnynye, ni ö wïïe ni kier ree, kiper na kö jø møøki ni Jøøn atïŋ maal ki yi thøø,

Moa Tïïc Nyïïatwieli 23:26

«Aana Kalødia Licia ni göön baŋï en, ï na kwäärö ma Pilik. «Ï na nyigwaak, a määtha ïïni.

Moa Tïïc Nyïïatwieli 24:27

'Ba na nø thum cwiiri ariiø, Pilik awiil Pörcia Pecta. 'Ba Pilik kiper na many man døøc yïth jø Juuth mo met, Pøøl awii øt twöc.

Moa Tïïc Nyïïatwieli 26:30

'Ba kanyøgø nyeya aö maal, ki kwäärö, ki Bernice, ki jøøa näk opï piny ki geni.

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.