Luk 24:32 - Wëël Jwøk

³² Ni cäänge keerge, ni köge, na «?Aŋø, kärø joodø ki cwïnynyø møn ya adïëti kanya cään øøni øtjöö, na par luup weet Jwøk jïïø?»

Luk 24:32 Iomraidhean Croise

Pwöc Leec Wïc 27:17

Nywïënyö wø paak ka nywïënyö watge; kaawat manøgø thuwø, dhaanhø wø bëënynyi ka ri watge.

Pwöc Leec Wïc 27:9

Maar riia ki gïn wø jïye ŋwääi ni met, cwïny wø døøcge mo met; kaawat manøgø thuwø, pwöc nyawat ec wø døøye mo met.

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Jeremaya 20:9

'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Maak 4:34

Ni bäŋ gïn mo ee caanø jïge ni ba caane na leer. 'Ba tiet jammi bëët apare jï bääge kur keerge.

Luk 24:45

Ni par wïthge nee luup moa en yïth weet Jwøk kwanyge.

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Ibaru 4:12

Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.