Luk 23:41 - Wëël Jwøk

⁴¹ 'Ba ajäla marø møn beeye kare. Kiper gïna pïï dëëtø en beeye mana näk orømø ki gïïa tïïø. 'Ba ŋati en bäŋ gïn mo raac mo ee tïïö.»

Luk 23:41 Iomraidhean Croise

2 Luup Nyeye 33:12

'Ba kanya bëëde ni eni ena yïth gïï mo leth, Wuuö Jwøk, Jwøk mare, akwaae, ni dwøk dëëre piny døc nyïm Jwøk, Jwø kwäye.

Edhera 9:13

«'Ba gïïa ö bäätwa bëët ö bäätwa kaper gïïa reyø na temwa, ki raay mowa na døøŋŋø. 'Ba ï na Jwøk marwa, gïïa leth na jäälï wa ki ge ba rømi ki gïïa reyø na temwa; 'ba waana gwøgï, ni weyï waani na mo dööŋ ni kwøw kaawat man bëëde en.

Neemiya 9:3

'Ba kanya bëëde ni jiy poot cuŋŋö karge, geni wëël ciik mar Wuuö Jwøk, Jwøk marge, akwaange ki kany mo thääŋ cäŋ ee ŋwömmö; ni cäŋge bëëdö ki kany mo thääŋ cäŋ ee ŋwömmö ni ge køpa raay moge, ni ge wøøra Wuuö Jwøk, Jwøk marge.

Daniel 9:4

Aana lämö jï Wuuö Jwøk, Jwøk mara, ni køba raay jïre ni kööa, ni «Wui Kwäärö Wuuö Jwøk, ï na Jwøa dwøŋ ni wø lwäärö ki eni, ï ni wø gwøk luumma tuutï, ki mëër man wø ba jøøl, ni tuutï ka jø wø mëër ki ïïni, ni wø gwøk ciik moï,

Mathiew 27:19

'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»

Mathiew 27:24

'Ba na jooti ya Paylati ni bäŋ gïn løny ki tïïc jïre këët, ni dïŋaŋ manynya man täge, ena lwötö ki pïï ni lwøk ceŋŋe nyïm lwaak, ni kööe, ni «Kara tïme ni bäär ki rem ŋatøgø. Manøgø ena jïïu keeru nø.»

Mathiew 27:4

Ni kööe, ni «Aana bääyö kiper na cïba ŋat mo bäŋ gïn mo ee baaø ceŋ nyïïmän.» 'Ba adwøkge, ni «?Jïwa dee ŋø? Manøgø ena jïrï keerï.»

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Luk 23:40

'Ba ena jook maya, ni kööe, na «?Aŋø, ï ba lwäär ki Jwøk? Kee ï poot ena ya ajäla aciel ki eni.

Luk 23:42

Ni kööe, ni «Jecu, wär a lääŋŋï kanyo ööï ni ïïna nyeya mo teek.»

1 Thecalönika 2:10

Ni uuna lïŋŋe ki Jwøk bëët kiper bëëtö marwa, ni bäŋ gïn mo wa doo jäälö ki gø, ni beeye bëëtö mo ena kur keere ni beer døc nyïmmu, u jøøa jïëy.

Jeemeth 4:7

Kiper manøgønø, cïpu dëëtu jï Jwøk. Ni cuŋŋu karu ni kwierru anägö, 'ba eno reŋi dïïu.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Piter 2:23

'Ba kanya janynyi bäŋ ajaany mo ee dwøgø. 'Ba kanya jwør gïï mo leth, eni kär ŋuuö. 'Ba mare awëëk ŋat wø ŋøl luup na karge.