Luk 23:2 - Wëël Jwøk

² Ni täkge ki man kïthge bääte ki luup, ni köge, ni «Nyeni en ajootwa ni manynya man wëëk powa ageem ka akwöma, ni män wa ki cïp ajwäk jï Cidhar, ni kööe ni eni ki dëëre beeye Krictø, ni ena nyeya.»

Luk 23:2 Iomraidhean Croise

1 Nyeye 18:17

'Ba kanya ö Akapi na joot Ilaaja, Akap aköö jïre, ni «?Man beeye ïïni, ï na kier wïth jø Icriel?»

Jeremaya 20:10

Aani, jiy mo thööth awïnynya ni ge mööŋö ki nyeŋŋa, ni «Kee ena köö, ni ‹Lwär mo dwøŋ, piny opääŋe bäre.› Jäällu eni! Beerra man jäälø eni kiree!» Këël nyïïawääta bëët moa näk yaa ŋäädhö kiree, ge manynya ränynyö mara, ni köge, ni «Kanymør wïïe di maaŋŋø, nee ø jïtö ki jöö man böötø eni ki gø, ni marø cool kwör dëëre.»

Jeremaya 38:4

Køøre jøøa kwörge døøŋŋø gena köö jï nyeya, ni «Ennø, beerra man 'näk nyenøgø, kiper eni bäätha bäät jø leny ki jiy bëët moa näk odööŋ yi pääny man ki køør luup moa care jïge. Kiper nyenøgø ba many bëënynyö mar jiy moi, 'ba eni manynya ränynyö marge.»

Amøc 7:10

Køøre Amaciya, eni na kwääc lam mar Bëthël, ajääk baŋ nyeny Icriel ma Jeröbäm, ni kööe, ni «Amøc manynya man tïïe ka ageem dëërï dï pou ma Icriel, ni luupa care bëët caala baa mo peek bäät paac.

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Mathiew 17:27

'Ba kiper nee cwïnyge ba raanynyø, ci naam ni lëëŋŋï ko obïth, ni lwørï rëëyo kwøŋï mak, ni japï dhee. 'Ba ïïno jïtï ki gwel dhee. Gwetøgø wär kälï, ni mëëgï gø geni na kara ki karï.»

Mathiew 22:21

Ni dwøkge gø jïgø, ni «Beeye Cidhar.» Kanyøgø Jecu aköö jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Mathiew 27:11

'Ba Jecu akäl nyïm kwäärö ma Paylat. Ni ö kwäärö ni pëëny gø, ni «?Bee ïïni na nyeny jø Juuth?» Ni dwøgi ya Jecu jïgø, na «Acaanï na kare.»

Maak 12:17

Ni kö Jecu jïge, «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.» Ni rëëm yïthge ki gø.

Maak 15:2

Kanyøgø ena pëëny Paylati, ni «?Bee ïïni na nyeny jø Juuth?» Ni løk gø jïre, na «Acaanï na kare.»

Luk 23:14

Ni kööe jïge, ni «Nyeni akälu baŋa ni ena dhaanhø mo wëëga jiy ageem. 'Ba na teta gø døøc nyïmmu, bäŋ gïn mo yaa joodø mo ee tïïö dëët luupa kïthu bääte, mo doo jäälö kipere.

Luk 23:5

'Ba gena reeth ri gø, ni köge, ni «Nyenøgø kiera wïth jiy ki pwöc mare yi Judia bäre, ni täga Galili këël mana këën kany ennø.»

Jøøn 18:29

Kanyøgø Paylat aö wøk baŋge ni kööe, na «?Agïnaŋø na baac nyeni?»

Jøøn 18:30

Ni köge jïre, «Onää nyenøgø paa ŋat raay, ba dewa käl baŋï.»

Jøøn 19:12

'Ba kanyøgø Paylat amäänyö ki jöö man pät Jecu ki gø. 'Ba jø Juuth arëëdö døc, ni köge, ni «Noo pätï ŋatøgøøni, ï paa nyawat Cidharri këët. Kiper jiy bëët mo wø thïïŋ rege na nyeye, ge thïïŋa rege bäät Cidhar.»

Moa Tïïc Nyïïatwieli 24:13

Ni bäŋe nyuudhi mo maarge nyooth jïrï, kiper luupa kïthge bääta kawaane en.

Moa Tïïc Nyïïatwieli 24:5

Kiper nyeni en, ajootwa ni ena dhaanhø mo raac, ni cøønna yïth jø Juuth yi piny bäre, ni ena bwödhi mar lwaa Nadharin ni wø lämö ki teeŋ lam mør.

Wëëlö Mana Göör Pøølli Baŋ Jø Röm 13:7

Cïpu gïï wø cïpu jïge bëët. Cïpu teeŋ ajwäk bëët jï ŋat wø en ajwäki cere, ni lwäärru ŋat mo di lwäärö, ni wøørru ŋat mo di wøørø.